سلام سندیلوی کی شاعری

سو بار آئی ہونٹوں پہ جھوٹی ہنسی مگر

اک بار بھی نہ دل سے کبھی مسکرا سکے

شبنم نے رو کے جی ذرا ہلکا تو کر لیا

غم اس کا پوچھئے جو نہ آنسو بہا سکے

موضوع : آنسو

خوشی کے پھول کھلے تھے تمہارے ساتھ کبھی

پھر اس کے بعد نہ آیا بہار کا موسم

موضوع : بہار

کٹے گی کیسے گل نو کی زندگی یارب

کہ اس غریب کا خانوں میں گھر ابھی سے ہے

بہت امید تھی منزل پہ جا کر چین پائیں گے

مگر منزل پہ جب پہنچے تو نظم کارواں بدلا

رہ حیات چمک اٹھے کہکشاں کی طرح

اگر چراغ محبت کوئی جلا کے چلے

ہمیشہ دور کے جلوے فریب دیتے ہیں

ہے ورنہ چاند بیاباں کسی کو کیا معلوم

بجلی گرے گی صحن چمن میں کہاں کہاں

کس شاخ گلستاں پہ مرا آشیاں نہیں

موضوع : بجلی

یہ تو معلوم ہے ان تک نہ سدا پہنچے گی

جانے کیا سوچ کے آواز دیئے جاتا ہوں

دل کی دھڑکن بھی ہے ان کو ناگوار

ان سے کچھ کہنے کی جرأت کیا کریں

آئے جو چند تنکے قفس میں صبا کے ساتھ

میں نے انہیں کو اپنا نشیمن سمجھ لیا

ہوئی صبح جام کھنک اٹھے ہوئی شام نغمے بکھر گئے

وہ حسین دن بھی تھے کس قدر جو تمہارے ساتھ گزر گئے

کیا اسی کو بہار کہتے ہیں

لالہ و گل سے خوں ٹپکتا ہے

موضوع : بہار

مجھ کو تو خون دل ہی پینا ہے

دست ساقی میں گر ہے جام تو کیا

گلوں کے روپ میں بکھرے ہیں ہر طرف کانٹے

چلے جو کوئی تو دامن ذرا بچا کے چلے

گل و غنچہ اصل میں ہیں تری گفتگو کی شکلیں

کبھی کھل کے بات کہہ دی کبھی کر دیا اشارا

یوں باغباں نے مہر لگا دی زبان پر

روداد غم نصیب کے مارے نہ کہہ سکے

متاع غم مرے اشکوں ہی تک نہیں محدود

انہیں میں ٹوٹے ستاروں کو بھی شمار کرو

چند تنکوں کے سوا کیا تھا نشیمن میں مرے

برق ناداں کو سمجھ آئی بہت دیر کے بعد

ہے تشنہ لبی لیکن ہم کیوں اسے زحمت دیں

اپنا ہی لہو پی لیں ساقی کو جگائیں کیا

تیرہ و تار فضاؤں میں جیا ہوں اب تک

نکہت و نور کے ایام کی حسرت ہی رہی

سلام سندیلوی

تمام

تعارف

ای-کتاب26

شعر21

غزل3

نظم13

گیت2

ای-کتاب26

سلام سندیلوی کے اشعار

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books