banā.ī ek hī donoñ kī sūrat kāhish-e-ġham ne

gumāñ hotā hai tār-e-pairahan par jism-e-lāġhar kā

banai ek hi donon ki surat kahish-e-gham ne

guman hota hai tar-e-pairahan par jism-e-laghar ka

kiyā hai aaj va.ada kis ne aane kā ḳhudā jaane

nazar aatā hai chashm-e-shauq darvāza mire ghar kā

kiya hai aaj wada kis ne aane ka KHuda jaane

nazar aata hai chashm-e-shauq darwaza mere ghar ka

sahar ke saath hogā chaak merā dāman-e-hastī

ba-rang-e-sham.a bazm-e-dahr meñ mehmāñ huuñ shab bhar kā

sahar ke sath hoga chaak mera daman-e-hasti

ba-rang-e-shama bazm-e-dahr mein mehman hun shab bhar ka