ہم نے جس حادثے پہ صبر کیا

آپ ہوتے تو مر گئے ہوتے

جانے لگتا ہوں تو وہ پاؤں پکڑ لیتا ہے

اور ستم یہ ہے کہ سینے سے لگاتا بھی نہیں

میں اک ایسے گاؤں کا رہنے والا تھا

سیلابوں میں جس کے گھر کٹ جاتے تھے

تمہیں ہم اس لیے بھی سوچتے رہتے ہیں اکثر

کہ اک تصویر میں دھندلا سا ہے چہرا تمہارا

وہ لمحے بھر کو تصور سے بھی نہیں جاتا

اسی لیے تو اسے اپنی جان بولتے ہیں

ہم ایک میز پہ جب ساتھ ساتھ بیٹھے تھے

تو درمیان کوئی اور وقت چل رہا تھا

عالم ہو میں سہی شور تو کر لینے دو

اپنے ہونے کا بھی اعلان ضروری ہے میاں

ترقیات کی یہ کون سی گھڑی ہے جہاں

سب اپنے آپ میں بازار ہونا چاہتے ہیں

تم کہو تم بھی تڑپتے ہو تعلق کے تئیں

یا مرے ہی دل بسمل کی یہ بیماری ہے

اب بہت دشت نوردی ہوئی آصفؔ صاحب

اب بدن موت کی آواز پہ ہاں چاہتا ہے

پیچ در پیچ ہوئی جاتی ہے دنیا ہم پر

جانے کیوں اس پہ ہم آسان ہوئے جاتے ہیں

ہم ایسے لوگ بہت دیر تک نہیں رہتے

یقین جانیے کوئی کمال ہو رہا ہے

اک حرف تسلی تھا مداوائے غم ہجر

جس وقت تو پہلو سے مرے اٹھ کے گیا تھا

گزشتہ کچھ دنوں سے جانے کس الجھاؤ میں ہے دل

کہ ہم بیٹھے بھی رہتے ہیں غزل خوانی نہیں ہوتی

آشفتگی ازل سے مرے آب و گل میں ہے

کل لذت حیات غم جاں گسل میں ہے

رات ہی رات چلے جاؤ مرے ہم سفرو

صبح ممکن ہے یہی دشت ہی مقتل ہو جائے

گاؤں کے نرم رویوں میں پلے ہیں ہم لوگ

شہر میں کوئی نگہبان ضروری ہے میاں

اب بہت دشت نوردی ہوئی آصفؔ صاحب

اب بدن موت کی آواز پہ ہاں چاہتا ہے

وہ لمحے بھر کو تصور سے بھی نہیں جاتا

اسی لیے تو اسے اپنی جان بولتے ہیں

عالم ہو میں سہی شور تو کر لینے دو

اپنے ہونے کا بھی اعلان ضروری ہے میاں

اب اس ہجوم میں پہچان کھو گئی میری

کسی بدن کے لیے استعارہ تھا پہلے

اب اس ہجوم میں پہچان کھو گئی میری

کسی بدن کے لیے استعارہ تھا پہلے

اک حرف تسلی تھا مداوائے غم ہجر

جس وقت تو پہلو سے مرے اٹھ کے گیا تھا

تکتے رہتے تھے کنارے سے مسلسل دونوں

جانے دریا میں بھی کیا وقت بہائے گئے تھے