ڈاکٹر اکبر حیدری کاشمیری وہ نامور محقق ہیں جن کی جہات تحقیق ،اقبالیات، غالبیات، کلاسیکی ادب ، رثائی ادب اور تدوینی خدمات پر محیط ہیں۔ اکبر حیدری کی تحقیقی مضامین میں ان کی عالمانہ بصیرت، ذوق تحقیق اور جان سوزی کار فرما ہے۔ان کے اسلوب تحقیق میں تقلیدی کے بجائے اجتہادی روش نمایاں نظر آتی ہے۔ یہی وجہ ہے کہ ان کے یہاں مرثیے کی تحقیق ماہ و سال کا اشاریہ نہیں ہے بلکہ اس کی بنیاد ٹھوس حقائق پر ہے۔ انھوں نے ایک بے باک محقق کے طور پر جہاں محسوس کیا معا صر محققین سے اختلاف کیا اور اپنی بھر پور علمیت سے اسے ثابت بھی کیا۔ زیر نظر کتاب "تحقیق انتقاد" اکبر حیدری کے تحقیق و تنقیدی مضامین کا پہلا مجموعہ ہے ۔ اس مجموعہ میں اردو رزمیہ شاعری، میر ضمیر کی نادر مثنویاں ، مثنوی معراج نامہ، اردو انسائیکلو پیڈیا کا ناقدانہ جائزہ،اردو ادب میں طنزو مزاح ،میر انیس کے مرثیے اور "اردو لغات اور فرہنگ اثر" وغیرہ جسیے مضامین شامل ہیں۔