میں دریاؤں کا سینہ چیرتا کیا

میں دریاؤں کا سینہ چیرتا کیا

مری للکار کیا میرا عصا کیا

وہ اندر سے بظاہر مر چکا ہے

زباں سے یہ نہیں کہتا ہوا کیا

ذرا سی دیر کو آیا ہے ملنے

تمنائیں مگر دل میں ہیں کیا کیا

مرا گھر جل چکا تو یار میرے

یہ مجھ سے پوچھنے آئے بچا کیا

وہ اب ملتا نہیں ہے مسکرا کر

نجانے ہو گئی مجھ سے خطا کیا

دھواں کیوں ہر طرف سے اٹھ رہا ہے

ہمارا شہر سارا جل گیا کیا

بدن شفاف تھا شیشے سا جس کا

وہ آئینے میں عاصمؔ دیکھتا کیا