چھوڑ آئے ہیں وے گلی لیکن

وے گلی چھوڑ کر نہیں جاتی

تو نے مجھ کو بنا دیا انساں

میں نے تجھ کو خدا بنایا ہے

کیسی عجیب بات ہے تو سامنے تھا اور

میں تیرے سامنے بھی کسی اور سے ملا

وے راتیں جو گزرتی ہی نہیں تھیں

انہیں گزرے زمانے ہو گئے ہیں

وے سامنے سے جا چکا تو یہ کھلا

وہ خواب لگ رہا تھا خواب تھا نہیں

یاد آتے ہیں وے دن بہت

کیوں نہ وے دن دوبارا کریں

آج سورج نے کہہ دیا مومنؔ

تو جلے گا تو روشنی ہوگی

تم سے مل کر میں اس کو بھول گیا

جس نے تم سے مجھے ملایا ہے

جو لکھا ہی نہیں گیا مجھ سے

دل نے وہ گیت گنگنایا ہے

ہجر کا باب ہی کافی تھا ہمیں

وصل کا باب نہیں دیکھا تھا

چاند میں تو نظر آیا تھا مجھے

میں نے مہتاب نہیں دیکھا تھا

چاند میں تو نظر آیا تھا مجھے

میں نے مہتاب نہیں دیکھا تھا

خواب میرے چرا لئے اس نے

جس کو میں نے ادھار دیں آنکھیں

ستم تو یہ ہے کہ میں نے اسے بھی چھوڑ دیا

جو سب کو چھوڑ کے تنہا کھڑا ہے میرے ساتھ

کفن کی جیب بھی خالی نہیں ہے

یہ بد حالی ہے خوشحالی نہیں ہے

ابھی سے تجھ کو پڑی ہے وصال کی مری جاں

ابھی تو ہجر نے عنوان ہی نہیں پایا

خود کو کتنا بھلا دیا میں نے

تو بھی اب اجنبی سا لگتا ہے

کیا بتاؤں چھپا ہے مجھ میں کون

کون مجھ میں چھپا رہا ہے مجھے

میں جہاں بھی گیا تجھے پایا

تو بھی کیا یوں ہی پا رہا ہے مجھے

زخم کھا کر بھی جو دعائیں دے

کون اس کا مقابلہ کرے گا

جس رستے میں تم مل جاؤ

وہ رستہ منزل ہوتا ہے

وہ جو کل تک ہاں میں ہاں کرتا تھا میری

آج تو وہ بھی نہیں پر آ گیا ہے

اس نے وعدہ نہیں لیا مجھ سے

اور کہتا ہے میں مکر رہا ہوں

کیسے کیسے میں بھولا ہوں

کیسے یاد آ جاتا ہے تو

مجھے بھی عقل پریشان کرتی رہتی ہے

نہیں نہیں سے گزر کر میں ہاں پہ آیا ہوں

مومنؔ میاں یہ کام نہیں ہے یہ عشق ہے

کیا سوچ میں پڑے ہو کروں یا کروں نہیں

جانے کیا کہہ رہا تھا وہ مجھ سے

میں نے بھی کہہ دیا کہ خوش ہوں میں