ek tum hī nahīñ ho paas mire

varna kis chiiz kī kamī hai mujhe

ek tum hi nahin ho pas mere

warna kis chiz ki kami hai mujhe

ik tavajjoh se us kī is dil meñ

muddatoñ raushnī sī rahtī hai

ek tawajjoh se us ki is dil mein

muddaton raushni si rahti hai

miT chukī dil se jab tirī har yaad

phir zarā sī kahāñ se aatī hai

miT chuki dil se jab teri har yaad

phir zara si kahan se aati hai

ham ne ik dūsre se jī bhar ke

be-vafā.ī kī intihā kī hai

hum ne ek dusre se ji bhar ke

be-wafai ki intiha ki hai

luTe hue navāb-zādoñ kā bharam bhī ḳhuub thā

riyāsateñ ujaḌ ga.iiñ ġhurūr 'umr bhar rahā

luTe hue nawab-zadon ka bharam bhi KHub tha

riyasaten ujaD gain ghurur 'umr bhar raha

zulmat-e-fitna-e-yazīdī ko

ḳhūn-e-ibn-e-'alī se ḳhatra hai

zulmat-e-fitna-e-yazidi ko

KHun-e-ibn-e-'ali se KHatra hai

kareñ haiñ ābrū-poshī zarā se chithḌe se

kahāñ pe qarz liyā thā kahāñ hisāb huā

karen hain aabru-poshi zara se chithDe se

kahan pe qarz liya tha kahan hisab hua