Ada Jafarey's Photo'

Ada Jafarey

1924 - 2015 | Karachi, Pakistan

One of the prominent women poets famous for the soft and lyrical tone of her poetry.

One of the prominent women poets famous for the soft and lyrical tone of her poetry.

3.59K
Favorite

SORT BY

maiñ āñdhiyoñ ke paas talāsh-e-sabā meñ huuñ

tum mujh se pūchhte ho mirā hausla hai kyā

main aandhiyon ke pas talash-e-saba mein hun

tum mujh se puchhte ho mera hausla hai kya

hoñToñ pe kabhī un ke mirā naam aa.e

aa.e to sahī bar-sar-e-ilzām aa.e

honTon pe kabhi un ke mera nam hi aae

aae to sahi bar-sar-e-ilzam hi aae

agar sach itnā zālim hai to ham se jhuuT bolo

hameñ aatā hai patjhaḌ ke dinoñ gul-bār ho jaanā

agar sach itna zalim hai to hum se jhuT hi bolo

hamein aata hai patjhaD ke dinon gul-bar ho jaana

haath kāñToñ se kar liye zaḳhmī

phuul bāloñ meñ ik sajāne ko

hath kanTon se kar liye zaKHmi

phul baalon mein ek sajaane ko

hamāre shahr ke logoñ ab ahvāl itnā hai

kabhī aḳhbār paḌh lenā kabhī aḳhbār ho jaanā

hamare shahr ke logon ka ab ahwal itna hai

kabhi aKHbar paDh lena kabhi aKHbar ho jaana

jis bātoñ ke fasāne likkhe

us ne to kuchh na kahā thā shāyad

jis ki baaton ke fasane likkhe

us ne to kuchh na kaha tha shayad

jo charāġh saare bujhā chuke unheñ intizār kahāñ rahā

ye sukūñ daur-e-shadīd hai koī be-qarār kahāñ rahā

jo charagh sare bujha chuke unhen intizar kahan raha

ye sukun ka daur-e-shadid hai koi be-qarar kahan raha

aa dekh ki mere āñsuoñ meñ

ye kis jamāl aa gayā hai

aa dekh ki mere aansuon mein

ye kis ka jamal aa gaya hai

ek ā.īna rū-ba-rū hai abhī

us ḳhushbū se guftugū hai abhī

ek aaina ru-ba-ru hai abhi

us ki KHushbu se guftugu hai abhi

jis jānib 'adā' nazar na uThī

haal us bhī mere haal thā

jis ki jaanib 'ada' nazar na uThi

haal us ka bhi mere haal sa tha

varna insān mar gayā hotā

koī be-nām justujū hai abhī

warna insan mar gaya hota

koi be-nam justuju hai abhi

gul par kyā kuchh biit ga.ī hai

albelā jhoñkā kyā jaane

gul par kya kuchh bit gai hai

albela jhonka kya jaane

baḌe tābāñ baḌe raushan sitāre TuuT jaate haiñ

sahar raah taknā sahar āsāñ nahīñ hotā

baDe taban baDe raushan sitare TuT jate hain

sahar ki rah takna ta sahar aasan nahin hota

dil ke vīrāne meñ ghūme to bhaTak jāoge

raunaq-e-kūcha-o-bāzār se aage na baḌho

dil ke virane mein ghume to bhaTak jaoge

raunaq-e-kucha-o-bazar se aage na baDho

log be-mehr na hote hoñge

vahm dil ko huā thā shāyad

log be-mehr na hote honge

wahm sa dil ko hua tha shayad

bolte haiñ diloñ ke sannāTe

shor ye jo chār-sū hai abhī

bolte hain dilon ke sannaTe

shor sa ye jo chaar-su hai abhi

riit bhī apnī rut bhī apnī

dil rasm-e-duniyā kyā jaane

rit bhi apni rut bhi apni

dil rasm-e-duniya kya jaane

bas ek baar manāyā thā jashn-e-mahrūmī

phir us ke baad koī ibtilā nahīñ aa.ī

bas ek bar manaya tha jashn-e-mahrumi

phir us ke baad koi ibtila nahin aai

kuchh itnī raushnī meñ the chehroñ ke aa.ine

dil us ko DhūñDhtā thā jise jāntā na thā

kuchh itni raushni mein the chehron ke aaine

dil us ko DhunDhta tha jise jaanta na tha

hazār kos nigāhoñ se dil manzil tak

koī qarīb se dekhe to ham ko pahchāne

hazar kos nigahon se dil ki manzil tak

koi qarib se dekhe to hum ko pahchane

koī taa.ir idhar nahīñ aatā

kaisī taqsīr is makāñ se huī

koi tair idhar nahin aata

kaisi taqsir is makan se hui

ḳhāmushī se huī fuġhāñ se huī

ibtidā rañj kahāñ se huī

KHamushi se hui fughan se hui

ibtida ranj ki kahan se hui

huā yuuñ ki phir mujhe zindagī ne basar kiyā

koī din the jab mujhe har nazāra hasīñ milā

hua yun ki phir mujhe zindagi ne basar kiya

koi din the jab mujhe har nazara hasin mila

kaTtā kahāñ tavīl thā rātoñ silsila

sūraj mirī nigāh sachchā.iyoñ meñ thā

kaTta kahan tawil tha raaton ka silsila

suraj meri nigah ki sachchaiyon mein tha

jo dil meñ thī nigāh nigāh meñ kiran thī

vo dāstāñ ulajh ga.ī vazāhatoñ ke darmiyāñ

jo dil mein thi nigah si nigah mein kiran si thi

wo dastan ulajh gai wazahaton ke darmiyan

koī baat ḳhvāb-o-ḳhayāl jo karo to vaqt kaTegā ab

hameñ mausamoñ ke mizāj par koī e'tibār kahāñ rahā

koi baat KHwab-o-KHayal ki jo karo to waqt kaTega ab

hamein mausamon ke mizaj par koi e'tibar kahan raha

abhī sahīfa-e-jāñ par raqam bhī kyā hogā

abhī to yaad bhī be-sāḳhta nahīñ aa.ī

abhi sahifa-e-jaan par raqam bhi kya hoga

abhi to yaad bhi be-saKHta nahin aai

na bahlāvā na samjhautā judā.ī judā.ī hai

'adā' socho to ḳhushbū safar āsāñ nahīñ hotā

na bahlawa na samjhauta judai si judai hai

'ada' socho to KHushbu ka safar aasan nahin hota

vo kaisī aas thī adā jo kū-ba-kū liye phirī

vo kuchh to thā jo dil ko aaj tak kabhū milā nahīñ

wo kaisi aas thi ada jo ku-ba-ku liye phiri

wo kuchh to tha jo dil ko aaj tak kabhu mila nahin

kāñTā jo chubhā thā vo lau de gayā hai kyā

ghultā huā lahū meñ ye ḳhurshīd hai kyā

kanTa sa jo chubha tha wo lau de gaya hai kya

ghulta hua lahu mein ye KHurshid sa hai kya

sab se baḌā fareb hai ḳhud zindagī 'adā'

is hīla-jū ke saath haiñ ham bhī bahāna-sāz

sab se baDa fareb hai KHud zindagi 'ada'

is hila-ju ke sath hain hum bhi bahana-saz

bujhī huī haiñ nigāheñ ġhubār hai ki dhuāñ

vo rāsta hai ki apnā bhī naqsh-e-pā na mile

bujhi hui hain nigahen ghubar hai ki dhuan

wo rasta hai ki apna bhi naqsh-e-pa na mile

ḳhazīne jaañ ke luTāne vaale diloñ meñ basne aas le kar

sunā hai kuchh log aise guzre jo ghar se aa.e na ghar ga.e haiñ

KHazine jaan ke luTane wale dilon mein basne ki aas le kar

suna hai kuchh log aise guzre jo ghar se aae na ghar gae hain

vo tishnagī thī ki shabnam ko hoñT tarse haiñ

vo aab huuñ ki muqayyad guhar guhar meñ rahūñ

wo tishnagi thi ki shabnam ko honT tarse hain

wo aab hun ki muqayyad guhar guhar mein rahun

ne mizhgāñ uThā ke dekhā bhī

shahr ḳhālī na thā makīnoñ se

tu ne mizhgan uTha ke dekha bhi

shahr KHali na tha makinon se

kin manziloñ luTe haiñ mohabbat ke qāfile

insāñ zamīñ pe aaj ġharīb-ul-vatan hai

kin manzilon luTe hain mohabbat ke qafile

insan zamin pe aaj gharib-ul-watan sa hai

matā-e-dard parakhnā to bas baat nahīñ

jo tujh ko dekh ke aa.e vo ham ko pahchāne

mata-e-dard parakhna to bas ki baat nahin

jo tujh ko dekh ke aae wo hum ko pahchane

ḳhalish-e-tīr-e-be-panāh ga.ī

lījiye un se rasm-o-rāh ga.ī

KHalish-e-tir-e-be-panah gai

lijiye un se rasm-o-rah gai

be-navā haiñ ki tujhe saut-o-navā bhī hai

jis ne dil toḌ diye us duā bhī hai

be-nawa hain ki tujhe saut-o-nawa bhi di hai

jis ne dil toD diye us ki dua bhi di hai

mizāj-o-martaba-e-chashm-e-nam ko pahchāne

jo tujh ko dekh ke aa.e vo ham ko pahchāne

mizaj-o-martaba-e-chashm-e-nam ko pahchane

jo tujh ko dekh ke aae wo hum ko pahchane