chāhe haiñ tamāshā mire andar ka.ī mausam

laao koī sahrā mirī vahshat ke barābar

chahe hain tamasha mere andar kai mausam

lao koi sahra meri wahshat ke barabar

kabhī na badle dil-e-bā-safā ke taur-tarīq

adū milā to use bhī salām karte rahe

kabhi na badle dil-e-ba-safa ke taur-tariq

adu mila to use bhi salam karte rahe

kahāñ maiñ aur kahāñ gosha-nashīnī kā ye elaan

ye saarā silsila mash.hūr hone ke liye thā

kahan main aur kahan gosha-nashini ka ye elan

ye sara silsila mashhur hone ke liye tha

ye kyā kam hai amāma bāñdh kar nikle nahīñ ham

ab is se bhī sivā īmān-dārī kaun kartā

ye kya kam hai amama bandh kar nikle nahin hum

ab is se bhi siwa iman-dari kaun karta

ye na dekho ki mire zaḳhm bahut kaarī haiñ

ye batāo ki mirā dushman-e-jāñ kaisā hai

ye na dekho ki mere zaKHm bahut kari hain

ye batao ki mera dushman-e-jaan kaisa hai