Alamtaab Tishna's Photo'

Alamtaab Tishna

1935 - 1991 | Karachi, Pakistan

181
Favorite

SORT BY

nafrat bhī usī se hai parastish bhī usī

is dil koī ham ne to kāfar nahīñ dekhā

nafrat bhi usi se hai parastish bhi usi ki

is dil sa koi hum ne to kafar nahin dekha

ham apne ishq ab aur kyā shahādat deñ

hameñ hamāre raqīboñ ne mo'tabar jaanā

hum apne ishq ki ab aur kya shahadat den

hamein hamare raqibon ne mo'tabar jaana

visāl-e-yār ḳhvāhish meñ aksar

charāġh-e-shām se pahle jalā huuñ

visal-e-yar ki KHwahish mein aksar

charagh-e-sham se pahle jala hun

har daur meñ rahā yahī ā.īn-e-munsifī

jo sar na jhuk sake vo qalam kar diye ga.e

har daur mein raha yahi aain-e-munsifi

jo sar na jhuk sake wo qalam kar diye gae

is rāh-e-mohabbat meñ saath agar hotā

har gaam pe gul khilte ḳhushbū safar hotā

is rah-e-mohabbat mein tu sath agar hota

har gam pe gul khilte KHushbu ka safar hota

ye kahnā haar na maanī kabhī añdheroñ se

bujhe charāġh to dil ko jalā liyā kahnā

ye kahna haar na mani kabhi andheron se

bujhe charagh to dil ko jala liya kahna

maiñ jab bhī ghar se nikaltā huuñ raat ko tanhā

charāġh le ke koī saath saath chaltā hai

main jab bhi ghar se nikalta hun raat ko tanha

charagh le ke koi sath sath chalta hai

pahle nisāb-e-aql huā ham se intisāb

phir yuuñ huā ki qatl bhī ham kar diye ga.e

pahle nisab-e-aql hua hum se intisab

phir yun hua ki qatl bhi hum kar diye gae

ye kahnā tum se bichhaḌ kar bikhar gayā 'tishna'

ki jaise haath se gir jaa.e ā.īna kahnā

ye kahna tum se bichhaD kar bikhar gaya 'tishna'

ki jaise hath se gir jae aaina kahna

had ho ga.ī thī ham se mohabbat meñ kufr

jaise ḳhudā-na-ḳhvāsta vo lā-sharīk thā

had ho gai thi hum se mohabbat mein kufr ki

jaise KHuda-na-KHwasta wo la-sharik tha

shorīdgī ko haiñ sabhī āsūdgī nasīb

vo shahr meñ hai kyā jo bayābān meñ nahīñ

shoridgi ko hain sabhi aasudgi nasib

wo shahr mein hai kya jo bayaban mein nahin

ban ke ta.abīr bhī aayā hotā

nit-na.e ḳhvāb dikhāne vaalā

ban ke tabir bhi aaya hota

nit-nae KHwab dikhane wala

tamām umr dīvāngī ke ba.ad khulā

maiñ terī zaat meñ pinhāñ thā aur maiñ thā

tamam umr ki diwangi ke baad khula

main teri zat mein pinhan tha aur tu main tha

mā-sivā-e-kār-āh-o-ashk kyā hai ishq meñ

hai savād-e-āb-o-ātish diida o dil ke qarīb

ma-siwa-e-kar-ah-o-ashk kya hai ishq mein

hai sawad-e-ab-o-atish dida o dil ke qarib