dard kā phir maza hai jab 'aḳhtar'

dard ḳhud chārasāz ho jaa.e

dard ka phir maza hai jab 'aKHtar'

dard KHud chaarasaz ho jae

hameñ duniyā meñ apne ġham se matlab

zamāne kī ḳhushī se vāstā kyā

hamein duniya mein apne gham se matlab

zamane ki KHushi se wasta kya

ma.āl-e-zabt-e-paiham ho ga.ī hai

masarrat hāsil-e-ġham ho ga.ī hai

maal-e-zabt-e-paiham ho gai hai

masarrat hasil-e-gham ho gai hai

mujhe to kal bhī na thā un par iḳhtiyār koī

aur un ko mujh pe vahī iḳhtiyār aaj bhī hai

mujhe to kal bhi na tha un par iKHtiyar koi

aur un ko mujh pe wahi iKHtiyar aaj bhi hai

vo ta.alluq hai tire ġham se ki allāh allāh

ham ko hāsil ho ḳhushī bhī to gavārā na kareñ

wo talluq hai tere gham se ki allah allah

hum ko hasil ho KHushi bhi to gawara na karen