shā'irī karbalā hai jis par se

har payambar guzar ke aatā hai

sha'iri karbala hai jis par se

har payambar guzar ke aata hai

ye vo nidā hai jo sab tak ḳhudā se aatī hai

ki naa't fan se nahīñ iltijā se aatī hai

ye wo nida hai jo sab tak KHuda se aati hai

ki na't fan se nahin iltija se aati hai

is tajassus meñ hī sāhil pe khaḌā rahtā huuñ

ye samundar bhī kisī aañkh kā paanī to nahīñ

is tajassus mein hi sahil pe khaDa rahta hun

ye samundar bhi kisi aankh ka pani to nahin

koī sāhil-mizāj hai jis ne

mujh samundar kā e'tibār kiyā

koi sahil-mizaj hai jis ne

mujh samundar ka e'tibar kiya

vo paañv rakhne lagī hai nadī ke paanī meñ

hujūm gaañv kā mashkīze le ke baiThā hai

wo panw rakhne lagi hai nadi ke pani mein

hujum ganw ka mashkize le ke baiTha hai