aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر
Asad Bhopali's Photo'

اسد بھوپالی

1921 - 1990 | بھوپال, انڈیا

فلم نغمہ نگار

فلم نغمہ نگار

اسد بھوپالی کے اشعار

2.8K
Favorite

باعتبار

اتنا تو بتا جاؤ خفا ہونے سے پہلے

وہ کیا کریں جو تم سے خفا ہو نہیں سکتے

اے موج حوادث تجھے معلوم نہیں کیا

ہم اہل محبت ہیں فنا ہو نہیں سکتے

حالات نے کسی سے جدا کر دیا مجھے

اب زندگی سے زندگی محروم ہو گئی

ایسے اقرار میں انکار کے سو پہلو ہیں

وہ تو کہیے کہ لبوں پہ نہ تبسم آئے

جب ذرا رات ہوئی اور مہ و انجم آئے

بارہا دل نے یہ محسوس کیا تم آئے

یہ آنسو ڈھونڈتا ہے تیرا دامن

مسافر اپنی منزل جانتا ہے

نہ بزم اپنی نہ اپنا ساقی نہ شیشہ اپنا نہ جام اپنا

اگر یہی ہے نظام ہستی تو زندگی کو سلام اپنا

عجب انداز کے شام و سحر ہیں

کوئی تصویر ہو جیسے ادھوری

عشق کو جب حسن سے نظریں ملانا آ گیا

خودبخود گھبرا کے قدموں میں زمانہ آ گیا

دیکھیے عہد وفا اچھا نہیں

مرنا جینا ساتھ کا ہو جائے گا

نہ آیا غم بھی محبت میں سازگار مجھے

وہ خود تڑپ گئے دیکھا جو بیقرار مجھے

فرق اتنا ہے کہ تو پردے میں اور میں بے حجاب

ورنہ میں عکس مکمل ہوں تری تصویر کا

غنچہ و گل ماہ و انجم سب کے سب بیکار تھے

آپ کیا آئے کہ پھر موسم سہانا آ گیا

میں اب تیرے سوا کس کو پکاروں

مقدر سو گیا غم جاگتا ہے

بارہا یہ بھی ہوا انجمن ناز سے ہم

صورت موج اٹھے مثل تلاطم آئے

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
بولیے