شام ڈھلنے سے فقط شام نہیں ڈھلتی ہے

عمر ڈھل جاتی ہے جلدی پلٹ آنا مرے دوست

اپنی قسمت میں سبھی کچھ تھا مگر پھول نہ تھے

تم اگر پھول نہ ہوتے تو ہمارے ہوتے

شام ہوتی ہے تو لگتا ہے کوئی روٹھ گیا

اور شب اس کو منانے میں گزر جاتی ہے

ہجر انساں کے خد و خال بدل دیتا ہے

کبھی فرصت میں مجھے دیکھنے آنا مرے دوست

وہ پھول ہو ستارہ ہو شبنم ہو جھیل ہو

تیری کتاب حسن کے سب اقتباس تھے

وہ جس میں لوٹ کے آتی تھی ایک شہزادی

ابھی تلک نہیں بھولی وہ داستاں مجھ کو

ہم فقط تیری گفتگو میں نہیں

ہر سخن ہر زبان میں ہم ہیں

وہ شخص جس کی خوشی کا باعث تھیں میری باتیں

اسے اب ان پر ملال کرنے بھی آ گئے ہیں

جا تجھے تیرے حوالے کر دیا

کھینچ لے یہ ہاتھ پھیلایا ہوا

ہم آئنے میں ترا عکس دیکھنے کے لیے

کئی چراغ ندی میں بہانے لگتے ہیں

اے جنوں اس کی کہانی بھی سناؤں گا تجھے

یہ جو پیوند مرے چاک میں دیکھا گیا ہے

شہر کا شہر تجھے دیکھنے آیہ ہوا ہے

شہر کا شہر تو نادان نہیں ہو سکتا