ہزار راستے بدلے ہزار سوانگ رچے

مگر ہے رقص میں سر پر اک آسمان وہی

تم مرے کمرے کے اندر جھانکنے آئے ہو کیوں

سو رہا ہوں چین سے ہوں ٹھیک ہے سب ٹھیک ہے

انہیں یہ فکر کہ دل کو کہاں چھپا رکھیں

ہمیں یہ شوق کہ دل کا خسارہ کیونکر ہو

ہم بھی اسلمؔ اسی گمان میں ہیں

ہم نے بھی کوئی زندگی جی تھی

ہوائیں شہر کی آلودۂ کثافت ہیں

یہ صاف ستھرا پن اور یہ نفاستیں جھوٹی

تمہارے درد سے جاگے تو ان کی قدر کھلی

وگرنہ پہلے بھی اپنے تھے جسم و جان وہی

نمی اتر گئی دھرتی میں تہہ بہ تہہ اسلمؔ

بہار اشک نئی رت کی ابتدا میں ہے