'mīr' 'ġhālib' yahīñ to rahte the

ham bhī dillī se dil lagā leñ kyā

'mir' 'ghaalib' yahin to rahte the

hum bhi dilli se dil laga len kya

isī paanī meñ lāsheñ tairtī haiñ

isī paanī meñ patthar baiThte haiñ

isi pani mein lashen tairti hain

isi pani mein patthar baiThte hain

pahle us kī āñkheñ sochī jaatī haiñ

phir āñkhoñ meñ raat bitā.ī jaatī hai

pahle us ki aankhen sochi jati hain

phir aankhon mein raat bitai jati hai

DhūñD rahā hai dariyā kis ko

roz kināre TuuT rahe haiñ

DhunD raha hai dariya kis ko

roz kinare TuT rahe hain

sab ko kāñToñ pe shak huā thā magar

zaḳhm ke ās-pās phuul mile

sab ko kanTon pe shak hua tha magar

zaKHm ke aas-pas phul mile