sab sitāre dilāsa dete haiñ

chāñd rātoñ ko chīḳhtā hai bahut

sab sitare dilasa dete hain

chand raaton ko chiKHta hai bahut

kyā zarūrat hai mujh ko chehre kī

kaun chehre se jāntā hai mujhe

kya zarurat hai mujh ko chehre ki

kaun chehre se jaanta hai mujhe

jaane kis baat se dukhā hai bahut

dil ka.ī roz se ḳhafā hai bahut

jaane kis baat se dukha hai bahut

dil kai roz se KHafa hai bahut

jab se dekhā hai ḳhvāb meñ us ko

dil musalsal kisī safar meñ hai

jab se dekha hai KHwab mein us ko

dil musalsal kisi safar mein hai

maiñ bhī bikhrā huā huuñ apnoñ meñ

vo bhī tanhā sā apne ghar meñ hai

main bhi bikhra hua hun apnon mein

wo bhi tanha sa apne ghar mein hai