aahan o sañg ko zahrāb-e-fanā chaaT gayā

pahle dīvār shikasta huī phir baab girā

aahan o sang ko zahrab-e-fana chaT gaya

pahle diwar shikasta hui phir bab gira

ai shām-e-hijr-e-yār mirī tū gavāhī de

maiñ tere saath saath rahā ghar nahīñ gayā

ai sham-e-hijr-e-yar meri tu gawahi de

main tere sath sath raha ghar nahin gaya

bāzār-e-ārzū meñ kaTī jā rahī hai umr

ham ko ḳharīd le vo ḳharīdār chāhiye

bazar-e-arzu mein kaTi ja rahi hai umr

hum ko KHarid le wo KHaridar chahiye

libās dekh ke itnā hameñ ġharīb na jaan

hamārā ġham tirī imlāk se ziyāda hai

libas dekh ke itna hamein gharib na jaan

hamara gham teri imlak se ziyaada hai

sar pe sūraj hai to phir chhāñv se mahzūz na ho

dhuup kā rañg bhī dīvār meñ aa saktā hai

sar pe suraj hai to phir chhanw se mahzuz na ho

dhup ka rang bhi diwar mein aa sakta hai