tujhe siine se lagā luuñ tujhe dil meñ rakh luuñ

dard kī chhāñv meñ zaḳhmoñ kī amaañ meñ aa jā

tujhe sine se laga lun tujhe dil mein rakh lun

dard ki chhanw mein zaKHmon ki aman mein aa ja

kyā haath uThā.iye duā ko

ham haath uThā chuke duā se

kya hath uThaiye dua ko

hum hath uTha chuke dua se

nazar uThāo to jhuum jaa.eñ nazar jhukāo to Dagmagā.eñ

tumhārī nazroñ se sīkhte haiñ tarīq maut-o-hayāt ke ham

nazar uThao to jhum jaen nazar jhukao to Dagmagaen

tumhaari nazron se sikhte hain tariq maut-o-hayat ke hum

āh-e-be-asar niklī naala nā-rasā niklā

ik ḳhudā pe takiya thā vo bhī aap kā niklā

aah-e-be-asar nikli nala na-rasa nikla

ek KHuda pe takiya tha wo bhi aap ka nikla

ajiib shahr hai ghar bhī haiñ rāstoñ kī tarah

kise nasīb hai rātoñ ko chhup ke ronā bhī

ajib shahr hai ghar bhi hain raston ki tarah

kise nasib hai raaton ko chhup ke rona bhi

jo zaḳhm dostoñ ne diye haiñ vo chhup to jaa.eñ

par dushmanoñ kī samt se patthar koī to aa.e

jo zaKHm doston ne diye hain wo chhup to jaen

par dushmanon ki samt se patthar koi to aae

ye raas rañg ye mel milan ik haath meñ chāñd ik meñ sūraj

ik raat kā mauj maza saarā ik din kā sair-sapāTā hai

ye ras rang ye mel milan ek hath mein chand ek mein suraj

ek raat ka mauj maza sara ek din ka sair-sapaTa hai

ik navā-e-rafta kī bāzgasht thī 'qaisī'

dil jise samajhte the dasht-e-be-sadā niklā

ek nawa-e-rafta ki bazgasht thi 'qaisi'

dil jise samajhte the dasht-e-be-sada nikla

jitne the rañg husn-e-bayāñ ke bigaḌ ga.e

lafzoñ ke baaġh shahar kī sūrat ujaḌ ga.e

jitne the rang husn-e-bayan ke bigaD gae

lafzon ke bagh shahar ki surat ujaD gae

ka.ī baar daur-e-kasād meñ gire mehr-o-māh ke daam bhī

magar ek qīmat-e-jins-e-dil jo kharī rahī to kharī rahī

kai bar daur-e-kasad mein gire mehr-o-mah ke dam bhi

magar ek qimat-e-jins-e-dil jo khari rahi to khari rahi

ab to faqat badan kī muravvat hai darmiyāñ

thā rabt-e-jān-o-dil to shurūāt hī meñ thā

ab to faqat badan ki murawwat hai darmiyan

tha rabt-e-jaan-o-dil to shuruat hi mein tha

aap ko dekh kar dekhtā rah gayā

kyā kahūñ aur kahne ko kyā rah gayā

aap ko dekh kar dekhta rah gaya

kya kahun aur kahne ko kya rah gaya

chal 'qaisī' mele meñ chal kyā ronā tanhā.ī kā

koī nahīñ jab terā merā sab mere sab tere

chal 'qaisi' mele mein chal kya rona tanhai ka

koi nahin jab tera mera sab mere sab tere

diloñ kā ḳhuuñ karo sālim rakho garebāñ ko

junūñ kī rasm zamāna huā uThā dī hai

dilon ka KHun karo salim rakho gareban ko

junun ki rasm zamana hua uTha di hai