kachre se uThā.ī jo kisī tifl ne roTī

phir halq se mere koī luqma nahīñ utrā

kachre se uThai jo kisi tifl ne roTi

phir halq se mere koi luqma nahin utra

jab vasl kā aa.egā tire saath sanam din

us din ko haqīqat meñ kahūñgā maiñ janam-din

jab wasl ka aaega tere sath sanam din

us din ko haqiqat mein kahunga main janam-din

is se baḌh kar aur kyā ham par sitam hogā 'munīr'

mashvara māñgā hai is ne faisla karne ke ba.ad

is se baDh kar aur kya hum par sitam hoga 'munir'

mashwara manga hai is ne faisla karne ke baad

kunj-e-hairat se chale dasht-e-ziyāñ tak laa.e

kaun lā saktā hai ham dil ko jahāñ tak laa.e

kunj-e-hairat se chale dasht-e-ziyan tak lae

kaun la sakta hai hum dil ko jahan tak lae

koī bhī sur meñ nahīñ hai 'munīr' kyā kiije

ye zindagī kā tarāna riyāz māñgtā hai

koi bhi sur mein nahin hai 'munir' kya kije

ye zindagi ka tarana riyaz mangta hai

charāġh andar kī sāzishoñ se bujhe hue haiñ

aur is kā ilzām bhī havā par chalā gayā hai

charagh andar ki sazishon se bujhe hue hain

aur is ka ilzam bhi hawa par chala gaya hai

paḌ jaate haiñ kitne chhāle hāthoñ meñ

aate haiñ phir chand nivāle hāthoñ meñ

paD jate hain kitne chhaale hathon mein

aate hain phir chand niwale hathon mein

būḌhe kamzor vāldain ke saath

jī rahā huuñ maiñ kitne chain ke saath

buDhe kamzor waldain ke sath

ji raha hun main kitne chain ke sath

kyā ḳhabar kaun sā rasta tirī jānib nikle

be-irāda bhī ka.ī baar safar karte haiñ

kya KHabar kaun sa rasta teri jaanib nikle

be-irada bhi kai bar safar karte hain

kahāñ se ham apnī gardishoñ kā javāz DhūñDeñ

hamārā mehvar zamīñ ke mehvar se muḳhtalif hai

kahan se hum apni gardishon ka jawaz DhunDen

hamara mehwar zamin ke mehwar se muKHtalif hai

maiñ aaj tujh se mulāqāt karne aaya huuñ

na.ī ġhazal kī shurū'āt karne aaya huuñ

main aaj tujh se mulaqat karne aaya hun

nai ghazal ki shuru'at karne aaya hun

sipah-sālār ke jab haath kāñpeñ to sipāhī bhī

ziyāda der phir maidān meñ Thahrā nahīñ karte

sipah-salar ke jab hath kanpen to sipahi bhi

ziyaada der phir maidan mein Thahra nahin karte

ek ummīd ke sahāre par

kitnī tāḳhīr dekh lete haiñ

ek ummid ke sahaare par

kitni taKHir dekh lete hain

muskurā kar agar vo dekhe to

aa.ine par nishān paḌ jaa.e

muskura kar agar wo dekhe to

aaine par nishan paD jae

zamīñ pe sirf utārā nahīñ 'munīr' us ne

phir us ke baa'd hamārā ḳhayāl bhī rakkhā

zamin pe sirf utara nahin 'munir' us ne

phir us ke ba'd hamara KHayal bhi rakkha

karnī paḌ jaa.e vazāhat pe vazāhat lekin

ham tirī baat kī tardīd nahīñ kar sakte

karni paD jae wazahat pe wazahat lekin

hum teri baat ki tardid nahin kar sakte

jo ahl-e-‘ishq haiñ dete haiñ zor burger par

jo ahl-e-husn haiñ sapne dinner ke dekhte haiñ

jo ahl-e-‘ishq hain dete hain zor burger par

jo ahl-e-husn hain sapne dinner ke dekhte hain

phir apnī is prem-kahānī par aayā decline

ab vo mujh ko jin kahtī hai aur maiñ us ko Daa.in

phir apni is prem-kahani par aaya decline

ab wo mujh ko jin kahti hai aur main us ko Dain

majma’ lag jaa.e to 'āshiq kī raftār

fī-ghanTa phir navve miil bhī hotī hai

majma’ lag jae to 'ashiq ki raftar

fi-ghanTa phir nawwe mil bhi hoti hai

isī liye to sahāfiyoñ ko ye pur-takalluf dinner diyā hai

kisī taraf se na koī kaḌvā savāl hogā ye tai huā thā

isi liye to sahafiyon ko ye pur-takalluf dinner diya hai

kisi taraf se na koi kaDwa sawal hoga ye tai hua tha

agar hai niiñd na aane kā āriza tujh ko

to bed pe leT ke fauran koī kitāb uThā

agar hai nind na aane ka aariza tujh ko

to bed pe leT ke fauran koi kitab uTha

kiyā huā hai use deiting ne itnā slim

so us kī pics ko ham zoom kar ke dekhte haiñ

kiya hua hai use deiting ne itna slim

so us ki pics ko hum zoom kar ke dekhte hain

police kahāñ se Tapak paḌī hai kahā ye Daaku ne saTpaTā kar

mudāḳhalat kā na rattī-bhar ehtimāl hogā ye tai huā thā

police kahan se Tapak paDi hai kaha ye Daku ne saTpaTa kar

mudaKHalat ka na ratti-bhar ehtimal hoga ye tai hua tha

naach kar hī pā sakegā daad vo thoḌī bahut

jis kī baarī aa ga.ī gā.ek-numā shā'ir ke baa'd

nach kar hi pa sakega dad wo thoDi bahut

jis ki bari aa gai gaek-numa sha'ir ke ba'd

pal-bhar meñ banā dete haiñ bātoñ kā batangaḌ

rahte haiñ sadā taak meñ ahbāb hamāre

pal-bhar mein bana dete hain baaton ka batangaD

rahte hain sada tak mein ahbab hamare

ḳhātūn rahnumā se jo shādī huī mirī

jamhūriyat kā husn mire ghar meñ aa gayā

KHatun rahnuma se jo shadi hui meri

jamhuriyat ka husn mere ghar mein aa gaya

sunā thā ganje qismat vaale hote haiñ

aur sunte hī sunte 'arsa biit gayā

suna tha ganje qismat wale hote hain

aur sunte hi sunte 'arsa bit gaya

koī achchhī vazārat gar kisī member ko mil jaa.e

to baaqī ke vazīroñ ko baḌī taklīf hotī hai

koi achchhi wazarat gar kisi member ko mil jae

to baqi ke waziron ko baDi taklif hoti hai

koī pūchhe ki kaise amn qaa.em ho idāroñ meñ

to us kī taan toḌeñge ye ādam-zād chhuTTī par

koi puchhe ki kaise amn qaem ho idaron mein

to us ki tan toDenge ye aadam-zad chhuTTi par

kisī bhī mah-jabīñ ko bhejtā huuñ jab friend request

janāb-e-vālā pahle se vahāñ maujūd hote haiñ

kisi bhi mah-jabin ko bhejta hun jab friend request

janab-e-wala pahle se wahan maujud hote hain

batā.e jaane lage rate jab karoḌoñ meñ

makān ālam-e-imkān se nikal aaya

batae jaane lage rate jab karoDon mein

makan aalam-e-imkan se nikal aaya

ā.īna dekheñ to ġhussa aatā hai

sar se Topī utre 'arsa biit gayā

aaina dekhen to ghussa aata hai

sar se Topi utre 'arsa bit gaya

tai ho chukī hai us se judā.ī magar 'munīr'

tū us ke saath lamha-e-inkār tak to chal

tai ho chuki hai us se judai magar 'munir'

tu us ke sath lamha-e-inkar tak to chal

hamārī zulf-e-siyah kā bharam na khul jaa.e

bachā huā hai jo piyālī meñ vo ḳhizāb uThā

hamari zulf-e-siyah ka bharam na khul jae

bacha hua hai jo piyali mein wo KHizab uTha

kar ga.ī haiñ do hī ḳhūrākeñ mujhe changā bhalā

diid us kī jaise antibiotic kī dose ho

kar gai hain do hi KHuraken mujhe changa bhala

did us ki jaise antibiotic ki dose ho

qaum ke haq meñ jo bhī tajāvīz thiiñ iltavā meñ rahīñ

jin meñ zaatī mafādāt the un pe fauran 'amal ho gayā

qaum ke haq mein jo bhi tajawiz thin iltawa mein rahin

jin mein zati mafadat the un pe fauran 'amal ho gaya

jīvan hai saḌak aur kināre pe khaḌe haiñ

lagtā hai ki muddat se ishāre pe khaḌe haiñ

jiwan hai saDak aur kinare pe khaDe hain

lagta hai ki muddat se ishaare pe khaDe hain

jis manzar kā hissa terī zaat nahīñ

merī nazar meñ us kī koī auqāt nahīñ

jis manzar ka hissa teri zat nahin

meri nazar mein us ki koi auqat nahin

ho ga.ī husn-e-samā'at kī rivāyat ruḳhsat

ab to ġhazleñ bhī sunī jaatī haiñ jhankār ke saath

ho gai husn-e-sama'at ki riwayat ruKHsat

ab to ghazlen bhi suni jati hain jhankar ke sath

koī qarīb se bolā ki fikr mat kiije

ye pāñch saal assembly meñ jā ke so.egā

koi qarib se bola ki fikr mat kije

ye panch sal assembly mein ja ke soega

jab kabhī sah-bār kānoñ meñ paḌe harf-e-qubūl

dil pe lagte haiñ hazāroñ tāziyāne haa.e haa.e

jab kabhi sah-bar kanon mein paDe harf-e-qubul

dil pe lagte hain hazaron taziyane hae hae

phir is ke baa'd thā hotel kā manager aur maiñ

jo ek baal mire naan se nikal aaya

phir is ke ba'd tha hotel ka manager aur main

jo ek baal mere nan se nikal aaya

sirf thoḌā sā unheñ ġhussa dilā detā huuñ maiñ

ḳhud banā letī hai māthe par shikan apnī jagah

sirf thoDa sa unhen ghussa dila deta hun main

KHud bana leti hai mathe par shikan apni jagah

begam terī is se ziyāda kyā tārīf karūñ

kaash tumhāre jaisī mujh ko mil jaatī ik aur

begam teri is se ziyaada kya tarif karun

kash tumhaare jaisi mujh ko mil jati ek aur

nahīñ phañstā kisī din jab koī tagḌā ‘aqīdat-mañd

ka.ī pīroñ-faqīroñ ko baḌī taklīf hotī hai

nahin phansta kisi din jab koi tagDa ‘aqidat-mand

kai piron-faqiron ko baDi taklif hoti hai

chaa.e kā to zikr hī mat kījiye

ab to bas kaalā hai sab kuchh daal meñ

chae ka to zikr hi mat kijiye

ab to bas kala hai sab kuchh dal mein

paḌhī jab shā'irī be-sāḳhta muñh se yahī niklā

takalluf-bar-taraf ash'ār se tasvīr behtar hai

paDhi jab sha'iri be-saKHta munh se yahi nikla

takalluf-bar-taraf ash'ar se taswir behtar hai

sunī ye baat to be-sāḳhta ik dil-jalī bolī

inhī ke saath rahnā hai to phir jannat meñ kyā jaanā

suni ye baat to be-saKHta ek dil-jali boli

inhi ke sath rahna hai to phir jannat mein kya jaana

sandle ke nīche ik heel bhī hotī hai

sar pe paḌ jaa.e to feel bhī hotī hai

sandle ke niche ek heel bhi hoti hai

sar pe paD jae to feel bhi hoti hai

ahl-e-dil pahle badalte haiñ nazar kā zā.iqa

baa'd meñ phir lazzat-e-kām-o-dahan apnī jagah

ahl-e-dil pahle badalte hain nazar ka zaiqa

ba'd mein phir lazzat-e-kaam-o-dahan apni jagah