بھروسہ ہے ترا ہی اور ہے تیرے سوا کس کا

نہ دیوے آسرا جب تو مجھے ہو آسرا کس کا

آتا نہیں جو سامنے مارے حجاب کے

ہم دل سے ہیں نثار اسی آفتاب کے

نیکی کا کوئی کام ہی آیا نہیں مجھ سے

کیا ہووے گا انجام مرا کچھ نہیں معلوم

جلوہ گر تھا ہر جگہ کعبہ تھا یا بت خانہ تھا

گھر ہزاروں تھے مگر وہ ایک صاحب خانہ تھا

حیراں تھا کہ دل میرا کہاں جا کے چھپا ہے

جگنو کی طرح یار کی دستار میں چمکا

جب غنچے نے سر اپنا گریباں سے نکالا

بلبل نے قدم پھر نہ گلستاں سے نکالا

نور تھا یا شعلہ تھا یا برق یا خورشید تھا

کچھ تو اے موسیٰ کہو کیا تھا وہ جلوہ طور کا