اچھا ہوا زبان خموشی نہ تم پڑھے

شکوے مرے وگرنہ رلاتے تمہیں بہت

کہ ہے مختصر داستاں عشق کی

گلے مل کے کوئی گلے پڑ گیا

وطن پرستی ہمارا مذہب ہیں جسم و جاں ملک کی امانت

کریں گے برپا قہر عدو پر رہے گا دائم وطن سلامت

تھا کبھی ان کی نگاہوں میں بلند اپنا مقام

اتنی اونچائی سے گر کر بھی کوئی بچتا ہے

ہوس زر نے کیا رشتوں کا جو حال نہ پوچھ

خوں رلاتا ہے یہاں خون کا رشتہ اپنا

ازل سے برسے ہے پاکیزگی فلک سے یہاں

نمایاں ہووے ہے پھر شکل بہن میں وہ یہاں

یہ کیسی بد دعا دی ہے کسی نے

سمندر ہوں مگر کھارا ہوا ہوں

خوب رو کون یہ آیا چمن میں آج کہ یاں

شرم سے سرخ ہوئے جاتے ہیں یہ پھول سبھی

عجب چلن ہے یہ بازار عشق کا کہ یہاں

چونی چلتی ہے روپیے میں حسن والوں کی

یوں گفتگوئے الفت دلچسپ ہم کریں گے

آنکھوں سے تم کہو گے آنکھوں سے ہم سنیں گے

جب آنا خواب میں ہولے سے نرمی سے قدم رکھنا

گراں ہے اک ذرا آہٹ ترے محو تصور کو

لمحات وصل یاد جو آئے شب فراق

یک لخت سرخ ہو گئے عارض بے اختیار

سیہ بختی کا سایہ دیدہ و دل پر ہے یوں تاری

کہ اک مدت سے میرے دن بھی کجلائے ہوئے سے ہیں

ایک عمر بھر میں طے یہ سفر مختصر ہوا

شہر خموشاں گھر سے بہت دور تو نہ تھا

ہے خوب منظر چارہ گری کہ ہم نے یہاں

دعا کے در پہ ہے دیکھا دوا کو سجدے میں

جب آنا خواب میں ہولے سے نرمی سے قدم رکھنا

گراں ہے اک ذرا آہٹ ترے محو تصور کو

تھا کبھی ان کی نگاہوں میں بلند اپنا مقام

اتنی اونچائی سے گر کر بھی کوئی بچتا ہے

تو بچ رہے گا یقیناً یہ صرف آنکھوں میں

بچایا تم نے نہ پانی جو وقت کے رہتے

خوشامد تابع داری منت و خدمت سجود حسن

ازل سے دیدنی ہے بے بسی و عاجزیٔ عشق

کہاں جرأت ان اشکوں کی کہ دہری آنکھ کی لانگھیں

ہے پہرا ضبط کا ایسا کہ سہمے سہمے رہتے ہیں

عجب چلن ہے یہ بازار عشق کا کہ یہاں

چونی چلتی ہے روپے میں حسن والوں کی