Faheem Jogapuri's Photo'

Faheem Jogapuri

Maunath Bhanjan, India

vāqif kahāñ zamāna hamārī uḌaan se

vo aur the jo haar ga.e āsmān se

waqif kahan zamana hamari uDan se

wo aur the jo haar gae aasman se

kitne tūfānoñ se ham uljhe tujhe ma.alūm kyā

peḌ ke dukh-dard phūloñ se andāza na kar

kitne tufanon se hum uljhe tujhe malum kya

peD ke dukh-dard ka phulon se andaza na kar

raste meñ 'fahīm' us tabī.at bigaḌnā

ghar jaane ik aur bahāna to nahīñ hai

raste mein 'fahim' us ki tabiat ka bigaDna

ghar jaane ka ek aur bahana to nahin hai

na baat dil sunūñ maiñ na dil sune merī

ye sard jañg hai apne ik mushīr ke saath

na baat dil ki sunun main na dil sune meri

ye sard jang hai apne hi ek mushir ke sath

band kamre meñ tirā dard na bujh jaa.e kahīñ

khiḌkiyāñ khol ki ye aag havā chāhtī hai

band kamre mein tera dard na bujh jae kahin

khiDkiyan khol ki ye aag hawa chahti hai

shaam ḳhāmosh hai peḌoñ pe ujālā kam hai

lauT aa.e haiñ sabhī ek parinda kam hai

sham KHamosh hai peDon pe ujala kam hai

lauT aae hain sabhi ek parinda kam hai

kisī ke dar pe sajda karte karte

'fahīm' aisā na ho sar TuuT jaa.e

kisi ke dar pe sajda karte karte

'fahim' aisa na ho sar TuT jae

jā.eñge ek roz samundar god meñ

dariyā ke saath ret tahrīr aur ham

jaenge ek roz samundar ki god mein

dariya ke sath ret ki tahrir aur hum

milan ke ba.ad aatī hai judā.ī

narak bhī sovarg se kitnā nikaT hai

milan ke baad aati hai judai

narak bhi sowarg se kitna nikaT hai

terī yādeñ ho ga.iiñ jaise muqaddas āyateñ

chain aatā nahīñ dil ko tilāvat ke baġhair

teri yaaden ho gain jaise muqaddas aayaten

chain aata hi nahin dil ko tilawat ke baghair

tumhārī yaad se ye raat kitnī raushan hai

nazar meñ itne haiñ jugnū ki ham ginā.eñ kyā

tumhaari yaad se ye raat kitni raushan hai

nazar mein itne hain jugnu ki hum ginaen kya

ham ahl-e-ġham ko haqārat se dekhne vaalo

tumhārī naav inhīñ āñsuoñ se chaltī hai

hum ahl-e-gham ko haqarat se dekhne walo

tumhaari naw inhin aansuon se chalti hai

marghaT path par dekh ke ham ko jaane kyā kyā socheñ vo

āñkhoñ se kyā punny kamā.e hoñToñ se kyā daan hue

marghaT path par dekh ke hum ko jaane kya kya sochen wo

aankhon se kya punny kamae honTon se kya dan hue