ik nazar sarsarī do chaar zarūrī bāteñ

ghar meñ rakkhā koī aḳhbār samajhtā hai mujhe

ek nazar sarsari do chaar zaruri baaten

ghar mein rakkha koi aKHbar samajhta hai mujhe

ik ghaḌī mujh ko chāhiye aisī

vaqt jis meñ tamām terā ho

ek ghaDi mujh ko chahiye aisi

waqt jis mein tamam tera ho

tire hijrat ke maare bastiyoñ se laḌ rahe haiñ

jinheñ yaksar tire dil meñ Thikāna chāhiye thā

tere hijrat ke mare bastiyon se laD rahe hain

jinhen yaksar tere dil mein Thikana chahiye tha

chhoḌ jā.eñge tujhe chāñd ke charche sun kar

chaḌhte sūraj ke pujārī haiñ tire dīvāne

chhoD jaenge tujhe chand ke charche sun kar

chaDhte suraj ke pujari hain tere diwane

aarzū hai tujhe bātoñ meñ lagā kar ik din

ek muhtāt salīqe se bikhartā dekheñ

aarzu hai tujhe baaton mein laga kar ek din

ek muhtat saliqe se bikharta dekhen

jaisā jī meñ aa.e vaisā kar jaanā

itnā bhī āsān nahīñ hai mar jaanā

jaisa ji mein aae waisa kar jaana

itna bhi aasan nahin hai mar jaana

ye ġhalat-fahmiyoñ kā mausam hai

apne dil ko sañbhāl kar rakhnā

ye ghalat-fahmiyon ka mausam hai

apne dil ko sanbhaal kar rakhna

tabhī to dhuñdlī haiñ us kī merī tamām rāheñ

vo mujh ko kohre kī chāñd rātoñ meñ sochtā hai

tabhi to dhundli hain us ki meri tamam rahen

wo mujh ko kohre ki chand raaton mein sochta hai

kuchh nahīñ māñgte magar kuchh log

kuchh nahīñ chhoḌte hamāre paas

kuchh nahin mangte magar kuchh log

kuchh nahin chhoDte hamare pas

maiñ ek vo huuñ jo aap ḳhud se bhī muḳhtalif hai

maiñ vo nahīñ huuñ jo aap mujh ko samajh rahe the

main ek wo hun jo aap KHud se bhi muKHtalif hai

main wo nahin hun jo aap mujh ko samajh rahe the

nahīñ charāġh jalā.eñge ab kisī dar par

ham aap apnī mohabbat mazār kar leñge

nahin charagh jalaenge ab kisi dar par

hum aap apni mohabbat mazar kar lenge

vo koh-e-qāf kā jaise makīn ho gayā hai

bichhaḌ ke aur ziyāda hasīn ho gayā hai

wo koh-e-qaf ka jaise makin ho gaya hai

bichhaD ke aur ziyaada hasin ho gaya hai

tasvīroñ par mat jaanā

saalī jhūTī hotī haiñ

taswiron par mat jaana

sali jhuTi hoti hain

aur is se peshtar us ko bhulā sakūñ yaksar

use maiñ us kī tarah yaad aanā chāhtī huuñ

aur is se peshtar us ko bhula sakun yaksar

use main us ki tarah yaad aana chahti hun