ارض دکن میں جان تو دلی میں دل بنی

اور شہر لکھنؤ میں حنا بن گئی غزل

رات کی رات بہت دیکھ لی دنیا تیری

صبح ہونے کو ہے اب طرزؔ کو سو جانے دے

داغؔ کے شعر جوانی میں بھلے لگتے ہیں

میرؔ کی کوئی غزل گاؤ کہ کچھ چین پڑے

بزم یاراں ہے یہ ساقی مے نہیں تو غم نہ کر

کتنے ہیں جو مے کدہ بر دوش ہیں یاروں کے بیچ

اہل دل کے واسطے پیغام ہو کر رہ گئی

زندگی مجبوریوں کا نام ہو کر رہ گئی

دل غمزدہ پہ گزر گیا ہے وہ حادثہ کہ مرے لیے

نہ تو غم رہا نہ خوشی رہی نہ جنوں رہا نہ پری رہی

وہی طرزؔ تجھ پہ رحیم ہے یہ اسی کا فیض کریم ہے

کہ اساتذہ کے بھی رنگ میں جو غزل کہی وہ کھری رہی

اے گردشو تمہیں ذرا تاخیر ہو گئی

اب میرا انتظار کرو میں نشے میں ہوں

اب میں حدود ہوش و خرد سے گزر گیا

ٹھکراؤ چاہے پیار کرو میں نشے میں ہوں

پتھروں کے دیس میں شیشے کا ہے اپنا وقار

دیوتا اپنی جگہ اور آدمی اپنی جگہ

صبح ہیں سجدے میں ہم تو شام ساقی کے حضور

بندگی اپنی جگہ اور مے کشی اپنی جگہ

یہ محل یہ مال و دولت سب یہیں رہ جائیں گے

ہاتھ آئے گی فقط دو گز زمیں مرنے کے بعد

سانسوں کی جل ترنگ پر نغمۂ عشق گائے جا

اے مری جان آرزو تو یوں ہی مسکرائے جا