mujhe tum kyā batāoge hadoñ se paar kyā kyā hai

jahāñ tum jā rahe ho nā vahāñ se lauT aayā maiñ

mujhe tum kya bataoge hadon se par kya kya hai

jahan tum ja rahe ho na wahan se lauT aaya main

tire bīmār kā guldastoñ se chehra nahīñ khiltā

mujhe apnī koī hañstī huī tasvīr bhejā kar

tere bimar ka guldaston se chehra nahin khilta

mujhe apni koi hansti hui taswir bheja kar

use har haal meñ yakjā karūñgā

vo TuuTā shaḳhs merā aa.ina hai

use har haal mein yakja karunga

wo TuTa shaKHs mera aaina hai

maiñ apne aap se ik shart haarā huuñ batā.ūñ kyā

mujhe lagtā thā merā dil kabhī patthar nahīñ hogā

main apne aap se ek shart haara hun bataun kya

mujhe lagta tha mera dil kabhi patthar nahin hoga

jise bhī chāhiye bā-shauq rakh le

ye ik patthar jo mujh meñ dil-numā hai

jise bhi chahiye ba-shauq rakh le

ye ek patthar jo mujh mein dil-numa hai

ye dard jo tum ko hai diyā tum se milā thā

ham ne koī sāmān tumhārā nahīñ rakkhā

ye dard jo tum ko hai diya tum se mila tha

hum ne koi saman tumhaara nahin rakkha

faqat kahne kī bāteñ haiñ kise kis kā sahārā hai

tumhārā ġham tumhārā hai hamārā ġham hamārā hai

faqat kahne ki baaten hain kise kis ka sahaara hai

tumhaara gham tumhaara hai hamara gham hamara hai

koī batlā.e mirī pyaas kī shiddat un ko

jo ye pūchhe haiñ kyoñ piitā huuñ maiñ paanī kī tarah

koi batlae meri pyas ki shiddat un ko

jo ye puchhe hain kyon pita hun main pani ki tarah

ham divānoñ ko divāne hī mile achchhā huā

dil ki bāteñ dil ko samjhāne meñ āsānī rahī

hum diwanon ko diwane hi mile achchha hua

dil ki baaten dil ko samjhane mein aasani rahi