maiñ apne aap se ik shart haarā huuñ batā.ūñ kyā

mujhe lagtā thā merā dil kabhī patthar nahīñ hogā

main apne aap se ek shart haara hun bataun kya

mujhe lagta tha mera dil kabhi patthar nahin hoga

mujhe tum kyā batāoge hadoñ se paar kyā kyā hai

jahāñ tum jā rahe ho nā vahāñ se lauT aayā maiñ

mujhe tum kya bataoge hadon se par kya kya hai

jahan tum ja rahe ho na wahan se lauT aaya main

tire bīmār kā guldastoñ se chehra nahīñ khiltā

mujhe apnī koī hañstī huī tasvīr bhejā kar

tere bimar ka guldaston se chehra nahin khilta

mujhe apni koi hansti hui taswir bheja kar

ye dard jo tum ko hai diyā tum se milā thā

ham ne koī sāmān tumhārā nahīñ rakkhā

ye dard jo tum ko hai diya tum se mila tha

hum ne koi saman tumhaara nahin rakkha

faqat kahne kī bāteñ haiñ kise kis kā sahārā hai

tumhārā ġham tumhārā hai hamārā ġham hamārā hai

faqat kahne ki baaten hain kise kis ka sahaara hai

tumhaara gham tumhaara hai hamara gham hamara hai