aao ab apne dhyān kā sūraj ugā.eñ ham

hai mai-kade meñ shor bapā shaam ho ga.ī

aao ab apne dhyan ka suraj ugaen hum

hai mai-kade mein shor bapa sham ho gai

mehñdī meñ laalī jis tarah kānoñ meñ baalī jis tarah

jab yuuñ mile to kyā chale duniyā kā ham pe daañv re

mehndi mein lali jis tarah kanon mein baali jis tarah

jab yun mile to kya chale duniya ka hum pe danw re

sūraj lahūluhān samundar meñ gir paḌā

din kā ġhurūr TuuT gayā shaam ho ga.ī

suraj lahuluhan samundar mein gir paDa

din ka ghurur TuT gaya sham ho gai

jab tak maiñ zindagī ko na samjhā thā jī liyā

jab aa ga.ī samajh meñ to be-maut mar gayā

jab tak main zindagi ko na samjha tha ji liya

jab aa gai samajh mein to be-maut mar gaya

vahshat aur sūnā-pan apnī zāt-e-tanhā.ī

aaj mai-kade ko bhī ḳhāna-e-ḳhudā paayā

wahshat aur suna-pan apni zat-e-tanhai

aaj mai-kade ko bhi KHana-e-KHuda paya

ai 'hasan-kamāl’ āḳhir ye bhī kyā bhalā kam hai

be-hisī kī duniyā meñ dil dukhā huā paayā

ai 'hasan-kamal’ aaKHir ye bhi kya bhala kam hai

be-hisi ki duniya mein dil dukha hua paya

pāgal koī ik ik se yahī pūchhtā thā kal

ham sab kā ek ghar thā batāo kidhar gayā

pagal koi ek ek se yahi puchhta tha kal

hum sab ka ek ghar tha batao kidhar gaya