Insha Allah Khan 'Insha''s Photo'

Insha Allah Khan 'Insha'

1753 - 1817 | Lucknow, India

One of most firebrand poets of Lucknow. Contemporary of Meer Taqi Meer. His rivalry with Mushafi is well-recorded. He had also written rekhta poetry and 'Raani Ketki ki kahani" in prose.

One of most firebrand poets of Lucknow. Contemporary of Meer Taqi Meer. His rivalry with Mushafi is well-recorded. He had also written rekhta poetry and 'Raani Ketki ki kahani" in prose.

jazba-e-ishq salāmat hai to inshā-allāh

kachche dhāge se chale ā.eñge sarkār bañdhe

jazba-e-ishq salamat hai to insha-allah

kachche dhage se chale aaenge sarkar bandhe

ajiib lutf kuchh aapas chheḌ-chhāḌ meñ hai

kahāñ milāp meñ vo baat jo bigāḌ meñ hai

ajib lutf kuchh aapas ki chheD-chhaD mein hai

kahan milap mein wo baat jo bigaD mein hai

kamar bāñdhe hue chalne ko yaañ sab yaar baiThe haiñ

bahut aage ga.e baaqī jo haiñ tayyār baiThe haiñ

kamar bandhe hue chalne ko yan sab yar baiThe hain

bahut aage gae baqi jo hain tayyar baiThe hain

na chheḌ ai nik.hat-e-bād-e-bahārī raah lag apnī

tujhe aTkheliyāñ sūjhī haiñ ham be-zār baiThe haiñ

na chheD ai nikhat-e-baad-e-bahaari rah lag apni

tujhe aTkheliyan sujhi hain hum be-zar baiThe hain

meñ rahī baat na hone paa.ī

haif ki us se mulāqāt na hone paa.ī

ji ki ji hi mein rahi baat na hone pai

haif ki us se mulaqat na hone pai

kyā hañsī aatī hai mujh ko hazrat-e-insān par

fel-e-bad ḳhud kareñ lānat kareñ shaitān par

kya hansi aati hai mujh ko hazrat-e-insan par

fel-e-bad KHud hi karen lanat karen shaitan par

kuchh ishāra jo kiyā ham ne mulāqāt ke vaqt

Taal kar kahne lage din hai abhī raat ke vaqt

kuchh ishaara jo kiya hum ne mulaqat ke waqt

Tal kar kahne lage din hai abhi raat ke waqt

zamīñ se uTThī hai charḳh par se utrī hai

ye aag ishq yā-rab kidhar se utrī hai

zamin se uTThi hai ya charKH par se utri hai

ye aag ishq ki ya-rab kidhar se utri hai

maiñ ne jo kachkachā kar kal un raan kaaTī

to un ne kis maze se merī zabān kaaTī

main ne jo kachkacha kar kal un ki ran kaTi

to un ne kis maze se meri zaban kaTi

nazākat us gul-e-rānā dekhiyo 'inshā'

nasīm-e-sub.h jo chhū jaa.e rañg ho mailā

nazakat us gul-e-rana ki dekhiyo 'insha'

nasim-e-subh jo chhu jae rang ho maila

ye ajiib mājrā hai ki ba-roz-e-īd-e-qurbāñ

vahī zab.h bhī kare hai vahī le savāb ulTā

ye ajib majra hai ki ba-roz-e-id-e-qurban

wahi zabh bhi kare hai wahi le sawab ulTa

hazār shaiḳh ne dāḌhī baḌhā.ī san

magar vo baat kahāñ maulvī madan

hazar shaiKH ne daDhi baDhai san ki si

magar wo baat kahan maulwi madan ki si

sāñvle tan pe ġhazab dhaj hai basantī shaal

meñ hai kah baiThiye ab jai kanhayyā laal

sanwle tan pe ghazab dhaj hai basanti shaal ki

ji mein hai kah baiThiye ab jai kanhayya lal ki

kaaTe haiñ ham ne yūñhī ayyām zindagī ke

sīdhe se sīdhe-sāde aur kaj se kaj rahe haiñ

kaTe hain hum ne yunhi ayyam zindagi ke

sidhe se sidhe-sade aur kaj se kaj rahe hain

hai ḳhaal yuuñ tumhāre chāh-e-zaqan ke andar

jis ruup ho kanhayyā āb-e-jaman ke andar

hai KHal yun tumhaare chah-e-zaqan ke andar

jis rup ho kanhayya aab-e-jaman ke andar

dahkī hai aag dil meñ paḌe ishtiyāq

tere sivā.e kis se ho is ilaaj aaj

dahki hai aag dil mein paDe ishtiyaq ki

tere siwae kis se ho is ka ilaj aaj

lailā o majnūñ lākhoñ garche tasvīreñ khiñchīñ

mil ga.ī sab ḳhaak meñ jis vaqt zanjīreñ khiñchīñ

laila o majnun ki lakhon garche taswiren khinchin

mil gai sab KHak mein jis waqt zanjiren khinchin

na kah shaiḳh mujhe zohd siikh mastī chhoḌ

tirī pasand judā hai mirī pasand judā

na kah tu shaiKH mujhe zohd sikh masti chhoD

teri pasand juda hai meri pasand juda

sanam-ḳhāna jaatā huuñ mujh ko nāhaq

na bahkā na bahkā na bahkā na bahkā

sanam-KHana jata hun tu mujh ko nahaq

na bahka na bahka na bahka na bahka

har taraf haiñ tire dīdār ke bhūke lākhoñ

peT bhar kar koī aisā bhī trahdār na ho

har taraf hain tere didar ke bhuke lakhon

peT bhar kar koi aisa bhi trahdar na ho

jis ne yaaro mujh se da.avā sher ke fan kiyā

maiñ ne le kar us ke kāġhaz aur qalam aage dharā

jis ne yaro mujh se dawa sher ke fan ka kiya

main ne le kar us ke kaghaz aur qalam aage dhara

hai nūr-e-basar mardumak-e-dīda meñ pinhāñ yuuñ jaise kanhaiyā

so ashk ke qatroñ se paḌā khele hai jhurmuT aur āñkhoñ meñ panghaT

hai nur-e-basar mardumak-e-dida mein pinhan yun jaise kanhaiya

so ashk ke qatron se paDa khele hai jhurmuT aur aankhon mein panghaT

de ek shab ko apnī mujhe zard shaal

hai mujh ko sūñghne ke havas so nikāl

de ek shab ko apni mujhe zard shaal tu

hai mujh ko sunghne ke hawas so nikal tu

sub.h-dam mujh se lipaT kar vo nashe meñ bole

tum bane bād-e-sabā ham gul-e-nasrīn hue

subh-dam mujh se lipaT kar wo nashe mein bole

tum bane baad-e-saba hum gul-e-nasrin hue

ġhuncha-e-gul ke sabā god bharī jaatī hai

ek parī aatī hai aur ek parī jaatī hai

ghuncha-e-gul ke saba god bhari jati hai

ek pari aati hai aur ek pari jati hai

garmī ne kuchh aag aur bhī siine meñ lagā.ī

har taur ġharaz aap se milnā kam achchhā

garmi ne kuchh aag aur bhi sine mein lagai

har taur gharaz aap se milna hi kam achchha

baiThtā hai jab tuñdīlā shaiḳh aa kar bazm meñ

ik baḌā maTkā rahtā hai shikam aage dharā

baiThta hai jab tundila shaiKH aa kar bazm mein

ek baDa maTka sa rahta hai shikam aage dhara

chand muddat ko firāq-e-sanam-o-dair to hai

aao ka.aba kabhī dekh aa.eñ na ik sair to hai

chand muddat ko firaq-e-sanam-o-dair to hai

aao kaba kabhi dekh aaen na ek sair to hai

jaave vo sanam brij ko to aap kanhaiyā

jhaT sāmne ho murlī dhun nazr pakaḌ kar

jawe wo sanam brij ko to aap kanhaiya

jhaT samne ho murli ki dhun nazr pakaD kar

phabtī tire mukhḌe pe mujhe huur sūjhī

haath idhar de ki bahut duur sūjhī

phabti tere mukhDe pe mujhe hur ki sujhi

la hath idhar de ki bahut dur ki sujhi

us sañg-dil ke hijr meñ chashmoñ ko apne aah

mānind-e-ābshār kiyā ham ne kyā kiyā

us sang-dil ke hijr mein chashmon ko apne aah

manind-e-abshaar kiya hum ne kya kiya

shaiḳh-jī ye bayān karo ham bhī to baarī kuchh suneñ

aap ke haath kyā lagā ḳhalvat-o-etikāf meñ

shaiKH-ji ye bayan karo hum bhi to bari kuchh sunen

aap ke hath kya laga KHalwat-o-etikaf mein

yaad kyā aatā hai vo merā lage jaanā aur aah

pīchhe haT kar us ye kahnā koī aa jā.egā

yaad kya aata hai wo mera lage jaana aur aah

pichhe haT kar us ka ye kahna koi aa jaega

na lagī mujh ko jab us shoḳh-e-trahdār geñd

us ne mahram ko sambhāl aur tayyār geñd

na lagi mujh ko jab us shoKH-e-trahdar ki gend

us ne mahram ko sambhaal aur hi tayyar ki gend

ḳhūbān-e-rozgār muqallid terī haiñ sab

jo chiiz kare so vo paave rivāj aaj

KHuban-e-rozgar muqallid teri hain sab

jo chiz tu kare so wo pawe riwaj aaj