Kalidas Gupta Raza's Photo'

Kalidas Gupta Raza

1925 - 2001 | Mumbai, India

Prominent Scholar/ Known for compiling the Diwan-e-Ghalib according to chronological order

Prominent Scholar/ Known for compiling the Diwan-e-Ghalib according to chronological order

zamāna husn nazākat balā jafā shoḳhī

simaT ke aa ga.e sab aap adāoñ meñ

zamana husn nazakat bala jafa shoKHi

simaT ke aa gae sab aap ki adaon mein

hayāt laakh ho faanī magar ye sun rakhiye

hayāt se jo hai maqsūd ġhair-fānī hai

hayat lakh ho fani magar ye sun rakhiye

hayat se jo hai maqsud ghair-fani hai

ham na māneñge ḳhamoshī hai tamannā mizāj

haañ bharī bazm meñ vo bol na paa.ī hogī

hum na manenge KHamoshi hai tamanna ka mizaj

han bhari bazm mein wo bol na pai hogi

ḳhirad DhūñDhtī rah ga.ī vajah-e-ġham

mazā ġham dard āshnā le gayā

KHirad DhunDhti rah gai wajah-e-gham

maza gham ka dard aashna le gaya

ab koī DhūñD-DhāñD ke laao nayā vajūd

insān to bulandi-e-insāñ se ghaT gayā

ab koi DhunD-DhanD ke lao naya wajud

insan to bulandi-e-insan se ghaT gaya

duniyā to sīdhī hai lekin duniyā vaale

jhūTī sachchī kah ke use bahkāte hoñge

duniya to sidhi hai lekin duniya wale

jhuTi sachchi kah ke use bahkate honge

chaman husn samajh kar sameT laa.e the

kise ḳhabar thī ki har phuul ḳhaar niklegā

chaman ka husn samajh kar sameT lae the

kise KHabar thi ki har phul KHar niklega

bahār aa.ī guloñ ko hañsī nahīñ aa.ī

kahīñ se tirī guftār nahīñ aa.ī

bahaar aai gulon ko hansi nahin aai

kahin se bu teri guftar ki nahin aai

baat agar na karnī thī kyuuñ chaman meñ aa.e the

rañg kyuuñ bikherā thā phuul kyuuñ khilā.e the

baat agar na karni thi kyun chaman mein aae the

rang kyun bikhera tha phul kyun khilae the

sāmnā aaj anā se hogā

baat rakhnī hai to sar de denā

samna aaj ana se hoga

baat rakhni hai to sar de dena

azal se tā-ba-abad ek kahānī hai

isī se ham ko na.ī dāstāñ banānī hai

azal se ta-ba-abad ek hi kahani hai

isi se hum ko nai dastan banani hai

jab fikroñ par bādal se mañDlāte hoñge

insāñ ghaT kar saa.e se rah jaate hoñge

jab fikron par baadal se manDlate honge

insan ghaT kar sae se rah jate honge

surāġh-e-mehr-o-mohabbat DhūñDiyo na kahīñ

ki un raakh havā meñ bikher aayā maiñ

suragh-e-mehr-o-mohabbat ka DhunDiyo na kahin

ki un ki rakh hawa mein bikher aaya main

lab-e-ḳhirad se yahī baar baar niklegā

nikālne se dil ġhubār niklegā

lab-e-KHirad se yahi bar bar niklega

nikalne hi se dil ka ghubar niklega