Sher of Kashif Aura
maiñ mohabbat meñ bahut soñ ko ḳhudā māntā huuñ
tum kisī ek kā pūchhoge to maañ bolūñgā
main mohabbat mein bahut son ko KHuda manta hun
tum kisi ek ka puchhoge to man bolunga
us laḌkī ke tohfe haiñ almārī meñ
roz mohabbat jī uThtī hai kamre se
us laDki ke tohfe hain almari mein
roz mohabbat ji uThti hai kamre se
she'r keh ke guzār sakte haiñ
zindagī ho yā maañ kā din 'kāshif'
she'r keh ke guzar sakte hain
zindagi ho ya man ka din 'kashif'
rāsta dekhtā rahūñ terā
she'r kahtā rahūñ mohabbat par
rasta dekhta rahun tera
she'r kahta rahun mohabbat par
terī yaad kī almārī meñ
apnā aap chhupā rakkhā hai
teri yaad ki almari mein
apna aap chhupa rakkha hai
jitnī ḳhush-bū thī vaar dī tum par
ab faqat saañs khīñch saktā huuñ
jitni KHush-bu thi war di tum par
ab faqat sans khinch sakta hun
apnī ḳhush-bū sañbhāl kar rakhnā
thoḌe 'arse meñ lauT ā.ūñgā
apni KHush-bu sanbhaal kar rakhna
thoDe 'arse mein lauT aaunga
terī marzī ke ḳhvāb dekhūñgā
merī nīñdoñ meñ raushnī bhar de
teri marzi ke KHwab dekhunga
meri nindon mein raushni bhar de
ham-rāh mere 'iid manā.ī nahīñ ga.ī
kahtā thā ek saath madīne ko jā.eñge
ham-rah mere 'id manai nahin gai
kahta tha ek sath madine ko jaenge
kis ne tumhāre gaal ko bosoñ se bhar diyā
kis ne kahe haiñ she'r hamārī zamīn par
kis ne tumhaare gal ko boson se bhar diya
kis ne kahe hain she'r hamari zamin par
jeb meñ phuul kā honā hai zarūrī 'kāshif'
jang meñ haath se talvār phisal saktī hai
jeb mein phul ka hona hai zaruri 'kashif'
jang mein hath se talwar phisal sakti hai
terī āñkhoñ pe kaam jaarī thā
rab ke hāthoñ se gir ga.ī duniyā
teri aankhon pe kaam jari tha
rab ke hathon se gir gai duniya
maañ mohabbat kī miim hai 'kāshif'
maañ meñ nafrat kī nuun ḳhālī hai
man mohabbat ki mim hai 'kashif'
man mein nafrat ki nun KHali hai
apnī parvāz sauñp dī us ko
saare ash'ār keh diye us par
apni parwaz saunp di us ko
sare ash'ar keh diye us par
terī marzī ke mutābiq tujhe chāhe 'kāshif'
jhang ke log mohabbat meñ ḳhudā hote haiñ
teri marzi ke mutabiq tujhe chahe 'kashif'
jhang ke log mohabbat mein KHuda hote hain
mashvare se bichhaḌnā paḌtā thā
ham ḳhushī se udaas hote the
mashware se bichhaDna paDta tha
hum KHushi se udas hote the
kaisī bāġh-o-bahār hastī thī
achchhe mausam nigal ga.ī mere
kaisi bagh-o-bahaar hasti thi
achchhe mausam nigal gai mere
ḳhvāb kī 'umr meñ izāfa ho
aañkh nāsūr kar chukā huuñ maiñ
KHwab ki 'umr mein izafa ho
aankh nasur kar chuka hun main
us kī tasvīr thī muqaddar meñ
maiñ jise aañkh karnā chāhtā thā
us ki taswir thi muqaddar mein
main jise aankh karna chahta tha
