Laiq Aajiz's Photo'

Laiq Aajiz

vo dhuup thī ki zamīñ jal ke raakh ho jaatī

baras ke ab ke baḌā kaam kar gayā paanī

wo dhup thi ki zamin jal ke rakh ho jati

baras ke ab ke baDa kaam kar gaya pani

meñ chāhtā huuñ ta.alluq ke darmiyāñ parda

vo chāhtā hai mire haal par nazar karnā

mein chahta hun talluq ke darmiyan parda

wo chahta hai mere haal par nazar karna

ai mire paañv ke chhālo mire ham-rāh raho

imtihāñ saḳht hai tum chhoḌ ke jaate kyuuñ ho

ai mere panw ke chhaalo mere ham-rah raho

imtihan saKHt hai tum chhoD ke jate kyun ho

dushmanoñ ko dost bhaa.ī ko sitamgar kah diyā

log kyuuñ barham haiñ kyā shīshe ko patthar kah diyā

dushmanon ko dost bhai ko sitamgar kah diya

log kyun barham hain kya shishe ko patthar kah diya

shaam hote bujh gayā 'ājiz'

ek muflis ḳhvāb thā na rahā

sham hote hi bujh gaya 'ajiz'

ek muflis ka KHwab tha na raha

merī tārīk shaboñ meñ hai ujālā in se

chāñd se zaḳhmoñ pe marham ye lagāte kyuuñ ho

meri tarik shabon mein hai ujala in se

chand se zaKHmon pe marham ye lagate kyun ho

kirnoñ ko vo bāzār meñ bech aayā hai

shāyad ki ka.ī din se thā bhūkā sūraj

kirnon ko wo bazar mein bech aaya hai

shayad ki kai din se tha bhuka suraj

khetiyāñ chhāloñ hotī thiiñ lahū ugte the

kitnā zarḳhez thā vo dar-badarī mausam

khetiyan chhaalon ki hoti thin lahu ugte the

kitna zarKHez tha wo dar-badari ka mausam

qalam uThā.ūñ ki bachchoñ zindagī dekhūñ

paḌā huā hai dorāhe pe ab hunar merā

qalam uThaun ki bachchon ki zindagi dekhun

paDa hua hai dorahe pe ab hunar mera

tark-e-jām-o-subū na kar paa.e

is liye ham vazū na kar paa.e

tark-e-jam-o-subu na kar pae

is liye hum wazu na kar pae

mujhe to jo bhī milā hai azaab sūrat

mirī hayāt hai ik tishna ḳhvāb sūrat

mujhe to jo bhi mila hai azab ki surat

meri hayat hai ek tishna KHwab ki surat