mirā hī man nahīñ lagtā hai us meñ

ki us kā man bhī mujh se bhar gayā hai

mera hi man nahin lagta hai us mein

ki us ka man bhi mujh se bhar gaya hai

mar ga.ī maañ to baT ga.e zevar

baT gayā ghar pitā ke marte hī

mar gai man to baT gae zewar

baT gaya ghar pita ke marte hi

vo zid kartī hai lekin phir achānak maan jaatī hai

mire chehre kī rangat se vo qīmat jaan jaatī hai

wo zid karti hai lekin phir achanak man jati hai

mere chehre ki rangat se wo qimat jaan jati hai

ye shaam Dhal rahī thī ki aa.ī ḳhabar burī

paanī ke intizār meñ ik jhiil mar ga.ī

ye sham Dhal rahi thi ki aai KHabar buri

pani ke intizar mein ek jhil mar gai

ham sabhī ākāsh meñ laTke hue

sochte haiñ ki zamīñ pe paañv hai

hum sabhi aakash mein laTke hue

sochte hain ki zamin pe panw hai

ham se hamāre ḳhvāb bhī jab duur ho ga.e

majbūr tab hue yuuñ ki mazdūr ho ga.e

hum se hamare KHwab bhi jab dur ho gae

majbur tab hue yun ki mazdur ho gae

kamāne aur gañvāne meñ bachā paayā huuñ bas itnā

hamāre ghar purāne dost dekho ab bhī aate haiñ

kamane aur ganwane mein bacha paya hun bas itna

hamare ghar purane dost dekho ab bhi aate hain

sirf shā'ir hī rahtā hai zinda

aadmī ko to mar hī jaanā hai

sirf sha'ir hi rahta hai zinda

aadmi ko to mar hi jaana hai

chiiz koī nahīñ dūsrī chāhiye

baat jis kī huī thī vahī chāhiye

chiz koi nahin dusri chahiye

baat jis ki hui thi wahi chahiye

rahā thā mal mire chehre pe kālikh

vo shīsha saaf thoḌī kar rahā thā

raha tha mal mere chehre pe kalikh

wo shisha saf thoDi kar raha tha