یہ نادانی نہیں تو کیا ہے دانشؔ

سمجھنا تھا جسے سمجھا رہا ہوں

یہ حاصل ہے مری خاموشیوں کا

کہ پتھر آزمانے لگ گئے ہیں

زندگی سے محبت کرو ٹوٹ کر

موت کا کام دشوار کرتے رہو

آسماں کی نظر سے بچتے ہوئے

اک ستارہ اٹھا لیا میں نے

اچھی رونق ہے تمہاری بزم میں

آ گئے سب شہر کے برباد کیا

ادھر کیا کیا عجوبے ہو رہے ہیں

مریض عشق اچھے ہو رہے ہیں

کوئی جب شہر سے جائے تو رونق روٹھ جاتی ہے

کسی کی شہر میں موجودگی سے کچھ نہیں ہوتا

ہو گئے پھر تم کہیں آباد کیا

ہل گئی تنہائی کی بنیاد کیا

جب اپنی بے کلی سے بے خودی سے کچھ نہیں ہوتا

پکاریں کیوں کسی کو ہم کسی سے کچھ نہیں ہوتا

محبت رت جگے آوارہ گردی

ضروری کام سارے ہو رہے ہیں