Mansoor Usmani's Photo'

Mansoor Usmani

1954 | Moradabad, India

1.5K
Favorite

SORT BY

āñkhoñ se mohabbat ke ishāre nikal aa.e

barsāt ke mausam meñ sitāre nikal aa.e

aankhon se mohabbat ke ishaare nikal aae

barsat ke mausam mein sitare nikal aae

jahāñ jahāñ koī urdu zabān boltā hai

vahīñ vahīñ mirā hindostān boltā hai

jahan jahan koi urdu zaban bolta hai

wahin wahin mera hindostan bolta hai

mujh se dillī nahīñ dil kahānī suniye

shahr to ye bhī ka.ī baar luTā hai mujh meñ

mujh se dilli ki nahin dil ki kahani suniye

shahr to ye bhi kai bar luTa hai mujh mein

pahle to us yaad ne sone nahīñ diyā

phir us āhaToñ ne kahā jāgte raho

pahle to us ki yaad ne sone nahin diya

phir us ki aahaTon ne kaha jagte raho

apnī tārīf sunī hai to ye sach bhī sun le

tujh se achchhā tirā kirdār nahīñ ho saktā

apni tarif suni hai to ye sach bhi sun le

tujh se achchha tera kirdar nahin ho sakta

hālāt kyā ye tere bichhaḌne se ho ga.e

lagtā hai jaise ham kisī mele meñ kho ga.e

haalat kya ye tere bichhaDne se ho gae

lagta hai jaise hum kisi mele mein kho gae

is shahr meñ chaltī hai havā aur tarah

jurm aur tarah ke haiñ sazā aur tarah

is shahr mein chalti hai hawa aur tarah ki

jurm aur tarah ke hain saza aur tarah ki

ḳhushbū se kis zabān meñ bāteñ kareñge log

mahfil meñ ye savāl tujhe dekh kar huā

KHushbu se kis zaban mein baaten karenge log

mahfil mein ye sawal tujhe dekh kar hua

jis ko bachā.e rakhne meñ ajdād bik ga.e

ham ne usī havelī ko nīlām kar diyā

jis ko bachae rakhne mein ajdad bik gae

hum ne usi haweli ko nilam kar diya

ye alag baat ki alfāz haiñ mere lekin

sach to bas ye hai ki terī sadā hai mujh meñ

ye alag baat ki alfaz hain mere lekin

sach to bas ye hai ki teri hi sada hai mujh mein

ham ne kuchh giit likhe haiñ jo sunānā haiñ tumheñ

tum kabhī bazm sajānā to ḳhabar kar denā

hum ne kuchh git likhe hain jo sunana hain tumhein

tum kabhi bazm sajaana to KHabar kar dena

jo phāñs chubh rahī hai diloñ meñ vo nikāl

jo paañv meñ chubhī thī use ham nikāl aa.e

jo phans chubh rahi hai dilon mein wo tu nikal

jo panw mein chubhi thi use hum nikal aae

ḳhushbū qāfila ye bahāroñ silsila

pahuñchā hai shahr tak to mire ghar bhī aa.egā

KHushbu ka qafila ye bahaaron ka silsila

pahuncha hai shahr tak to mere ghar bhi aaega

shabnam jagah aag bārish ho magar ham

'mansūr' na māñgeñge duā aur tarah

shabnam ki jagah aag ki barish ho magar hum

'mansur' na mangenge dua aur tarah ki

ḳhudā ke naam pe kyā kyā fareb dete haiñ

zamāna-sāz ye rahbar bhī maiñ bhī duniyā bhī

KHuda ke nam pe kya kya fareb dete hain

zamana-saz ye rahbar bhi main bhi duniya bhi