جس صدی میں وفا کا چلن ہی نہیں

ہم بنائے گئے اس صدی کے لئے

وقت ہوتا ہے بے وفا یارو

آدمی بے وفا نہیں ہوتا

جہاں جہاں کوئی اردو زبان بولتا ہے

وہیں وہیں مرا ہندوستان بولتا ہے

جو پھانس چبھ رہی ہے دلوں میں وہ تو نکال

جو پاؤں میں چبھی تھی اسے ہم نکال آئے

حالات کیا یہ تیرے بچھڑنے سے ہو گئے

لگتا ہے جیسے ہم کسی میلے میں کھو گئے

جس کو بچائے رکھنے میں اجداد بک گئے

ہم نے اسی حویلی کو نیلام کر دیا

اپنی تعریف سنی ہے تو یہ سچ بھی سن لے

تجھ سے اچھا ترا کردار نہیں ہو سکتا

آنکھوں سے محبت کے اشارے نکل آئے

برسات کے موسم میں ستارے نکل آئے

اس شہر میں چلتی ہے ہوا اور طرح کی

جرم اور طرح کے ہیں سزا اور طرح کی

شبنم کی جگہ آگ کی بارش ہو مگر ہم

منصورؔ نہ مانگیں گے دعا اور طرح کی

مجھ سے دلی کی نہیں دل کی کہانی سنئے

شہر تو یہ بھی کئی بار لٹا ہے مجھ میں

یہ الگ بات کہ الفاظ ہیں میرے لیکن

سچ تو بس یہ ہے کہ تیری ہی صدا ہے مجھ میں

خدا کے نام پہ کیا کیا فریب دیتے ہیں

زمانہ ساز یہ رہبر بھی میں بھی دنیا بھی

خوشبو سے کس زبان میں باتیں کریں گے لوگ

محفل میں یہ سوال تجھے دیکھ کر ہوا

ہم نے کچھ گیت لکھے ہیں جو سنانا ہیں تمہیں

تم کبھی بزم سجانا تو خبر کر دینا

خوشبو کا قافلہ یہ بہاروں کا سلسلہ

پہنچا ہے شہر تک تو مرے گھر بھی آئے گا

پہلے تو اس کی یاد نے سونے نہیں دیا

پھر اس کی آہٹوں نے کہا جاگتے رہو