abhī āġhāz-e-ulfat hai chalo ik kaam karte haiñ

bichhaḌ kar dekh lete haiñ bichhaḌ kar kaisā lagtā hai

abhi aaghaz-e-ulfat hai chalo ek kaam karte hain

bichhaD kar dekh lete hain bichhaD kar kaisa lagta hai

bint-e-havvā ko bhuul jaa.eñ ham

ye nahīñ aatā ibn-e-ādam ko

bint-e-hawwa ko bhul jaen hum

ye nahin aata ibn-e-adam ko

kisī ke yaad karne kā agar hotī sabab hichkī

mirā mahbūb ho kar ke pareshāñ mar gayā hotā

kisi ke yaad karne ka agar hoti sabab hichki

mera mahbub ho kar ke pareshan mar gaya hota

sochtā huuñ kyā mirā bantā ḳhudā ke sāmne

gar na hotā yā-rasūlullah sahārā aap kā

sochta hun kya mera banta KHuda ke samne

gar na hota ya-rasulullah sahaara aap ka

aaj tasvīr us kī dekhī hai

aaj phir niiñd kā ziyāñ hogā

aaj taswir us ki dekhi hai

aaj phir nind ka ziyan hoga