jal rahe haiñ abhī kamzor aqīdoñ ke charāġh

jis kā jī chāhe zamāne meñ ḳhudā ho jaa.e

jal rahe hain abhi kamzor aqidon ke charagh

jis ka ji chahe zamane mein KHuda ho jae

na.e haiñ vasl ke mausam mohabbateñ bhī na.ī

na.e raqīb haiñ ab ke adāvateñ bhī na.ī

nae hain wasl ke mausam mohabbaten bhi nai

nae raqib hain ab ke adawaten bhi nai

thaam rakkhī hai ham ne chaal apnī

āj-kal haiñ sitāre gardish meñ

tham rakkhi hai hum ne chaal apni

aaj-kal hain sitare gardish mein

ye jo maiñ tujh ko ham-āġhosh kiye rahtā huuñ

jaane kis kis ko farāmosh kiye rahtā huuñ

ye jo main tujh ko ham-aghosh kiye rahta hun

jaane kis kis ko faramosh kiye rahta hun

ye jo maiñ tujh ko ham-āġhosh kiye rahtā huuñ

jaane kis kis ko farāmosh kiye rahtā huuñ

ye jo main tujh ko ham-aghosh kiye rahta hun

jaane kis kis ko faramosh kiye rahta hun