اک بار اس نے مجھ کو دیکھا تھا مسکرا کر

اتنی تو ہے حقیقت باقی کہانیاں ہیں

گو قیامت سے پیشتر نہ ہوئی

تم نہ آئے تو کیا سحر نہ ہوئی

تم بھی کرو گے جبر شب و روز اس قدر

ہم بھی کریں گے صبر مگر اختیار تک

راتیں عیش و عشرت کی دن دکھ درد مصیبت کے

آتی آتی آتی ہیں جاتے جاتے جاتے ہیں

کہنا ہی مرا کیا ہے کہ میں کچھ نہیں کہتا

یہ بھی تمہیں دھوکا ہے کہ میں کچھ نہیں کہتا

اتنی توہین نہ کر میری بلا نوشی کی

ساقیا مجھ کو نہ دے ماپ کے پیمانے سے

عالم ہے ترے پرتو رخ سے یہ ہمارا

حیرت سے ہمیں شمس و قمر دیکھ رہے ہیں

دن جدائی کا دیا وصل کی شب کے بدلے

لینے تھے اے فلک پیر یہ کب کے بدلے