aañkh saaqī se milī jaise hī mai-ḳhāne meñ

khiñch ke mai aa ga.ī paimāne se paimāne meñ

aankh saqi se mili jaise hi mai-KHane mein

khinch ke mai aa gai paimane se paimane mein

dekhā jo mujh ko pher ke muñh muskurā diye

bijlī girī taḌap ke dil-e-be-qarār par

dekha jo mujh ko pher ke munh muskura diye

bijli giri taDap ke dil-e-be-qarar par

hai gor-e-ġharībāñ meñ vahī 'shams' kā madfan

turbat jo koī dil ke dhaḌakne kī sadā de

hai gor-e-ghariban mein wahi 'shams' ka madfan

turbat jo koi dil ke dhaDakne ki sada de

kitne hī pā-e-sanam par kiye sajde maiñ ne

kabhī puurā na huā shauq jabīñ-sā.ī kā

kitne hi pa-e-sanam par kiye sajde main ne

kabhi pura na hua shauq jabin-sai ka

nazar lagne kā un ke vāste ganDā banāne ko

bachā rakkhe haiñ maiñ ne taar kuchh apne garebāñ meñ

nazar lagne ka un ke waste ganDa banane ko

bacha rakkhe hain main ne tar kuchh apne gareban mein