maiñ us ko chūmtā rahtā thā is salīqe se

ki mere hoñT pe surḳhī na aa.e gāloñ kī

main us ko chumta rahta tha is saliqe se

ki mere honT pe surKHi na aae galon ki

she'r kahne pe baḌī daad milī hai mujh ko

haa.e afsos ki ash'ār ko samjhā jaatā

she'r kahne pe baDi dad mili hai mujh ko

hae afsos ki ash'ar ko samjha jata

is aziyyat ko mire yaar kahāñ jānte haiñ

maiñ badalte hue māhaul meñ Dhal jaatā huuñ

is aziyyat ko mere yar kahan jaante hain

main badalte hue mahaul mein Dhal jata hun

ḳhudā ke haath meñ apnī ye Dor kitnī hai

maiñ har qadam pe hue sānahe pe sochtā huuñ

KHuda ke hath mein apni ye Dor kitni hai

main har qadam pe hue sanahe pe sochta hun

she'r kahnā bhī to zaḳhmoñ kī numā.ish hai miyāñ

daad milne pe mire zaḳhm hare hote haiñ

she'r kahna bhi to zaKHmon ki numaish hai miyan

dad milne pe mere zaKHm hare hote hain