beTe meñ chāhe laakh ḳharābī ho 'muḳhtasar'

shādī ke vaqt bā.is-e-income zarūr hai

beTe mein chahe lakh KHarabi ho 'muKHtasar'

shadi ke waqt bais-e-income zarur hai

b-a meñ paḌh rahā hai ye knowledge kā haal hai

naqshe meñ lucknow ko kahe kanpur hai

b-a mein paDh raha hai ye knowledge ka haal hai

naqshe mein lucknow ko kahe kanpur hai

maiñ ro rahā huuñ ye to jahāñ se chalā gayā

apnī balā ko mere gale se lagā gayā

main ro raha hun ye to jahan se chala gaya

apni bala ko mere gale se laga gaya

karo na hind meñ baat ittihād-e-millat kī

ki is se hote haiñ amrikiyoñ ke kaan khaḌe

karo na hind mein baat ittihad-e-millat ki

ki is se hote hain amrikiyon ke kan khaDe