محبت، ہجر، نفرت مل چکی ہے

میں تقریباً مکمل ہو چکا ہوں

ہم غلامی کو مقدر کی طرح جانتے ہیں

ہم تری جیت تری مات سے نکلے ہوئے ہیں

کچھ اس لیے بھی اکیلا سا ہو گیا ہوں ندیمؔ

سبھی کو دوست بنایا ہے دشمنی نہیں کی

محبت نے اکیلا کر دیا ہے

میں اپنی ذات میں اک قافلہ تھا

اور کوئی پہچان مری بنتی ہی نہیں

جانتے ہیں سب لوگ کہ بس تیرا ہوں میں

سارے سوال آسان ہیں مشکل ایک جواب

ہم بھی ایک جواب ہیں کوئی سوال کرے

بد نصیبی کہ عشق کر کے بھی

کوئی دھوکہ نہیں ہوا مرے ساتھ

دل سے اک یاد بھلا دی گئی ہے

کسی غفلت کی سزا دی گئی ہے

دل مبتلائے ہجر رفاقت میں رہ گیا

لگتا ہے کوئی فرق محبت میں رہ گیا

میں لو میں لو ہوں، الاؤ میں ہوں الاؤ ندیمؔ

سو ہر چراغ مرا اعتراف کرتا رہا