Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Naseem Ajmal's Photo'

Naseem Ajmal

1948 | Delhi, India

A world-renowned mathematician and a poet with a distinctive style

A world-renowned mathematician and a poet with a distinctive style

Sher of Naseem Ajmal

93
Favorite

SORT BY

maiñ ek sham-e-sar-e-rah-guzār huuñ 'ajmal'

na jaane kis liye mujh ko bujhānā chāhtā hai

main ek sham-e-sar-e-rah-guzar hun 'ajmal'

na jaane kis liye mujh ko bujhana chahta hai

tasvīr-e-āb tum ko dikhā.eñ bhī kyā ki tum

ā.īna keh rahā hai abhī apne Dar meñ ho

taswir-e-ab tum ko dikhaen bhi kya ki tum

aaina keh raha hai abhi apne Dar mein ho

sunā hai aaj mile ho 'nasīm-ajmal' se

zarā batāo vo ḳhāna-ḳharāb kaisā thā

suna hai aaj mile ho 'nasim-ajmal' se

zara batao wo KHana-KHarab kaisa tha

baḌī mushkiloñ se maiñ soyā thā kal

bahut shor ghar kī divāroñ meñ thā

baDi mushkilon se main soya tha kal

bahut shor ghar ki diwaron mein tha

na koī rang na ḳhushbū na ḳhvāb hai mujh meñ

sabā ye kahtī hai tasvīr-e-āb hai mujh meñ

na koi rang na KHushbu na KHwab hai mujh mein

saba ye kahti hai taswir-e-ab hai mujh mein

hamāre dost yā dushman the kuchh ḳhabar na huī

ye raah roke hue bām-o-dar 'ajīb se the

hamare dost ya dushman the kuchh KHabar na hui

ye rah roke hue baam-o-dar 'ajib se the

pighal ga.e mire andar hazārhā sūraj

ki zulmat-e-shab-e-hastī kī vārdāt huuñ maiñ

pighal gae mere andar hazarha suraj

ki zulmat-e-shab-e-hasti ki wardat hun main

saarā manzar ḳhvāb meñ maujoñ kī tuġhyānī kā thā

maiñ sañbhaltā kyā ki sar par qahqaha paanī kā thā

sara manzar KHwab mein maujon ki tughyani ka tha

main sanbhalta kya ki sar par qahqaha pani ka tha

uḌaan bharte to kuchh log tazkire karte

paroñ pe jam ga.ī gard-e-pas-e-safar kaisī

uDan bharte to kuchh log tazkire karte

paron pe jam gai gard-e-pas-e-safar kaisi

tamām shauq-e-shafaq raah meñ sajā.e hue

maiñ muntazir huuñ tirā kab se rah-guzar roke

tamam shauq-e-shafaq rah mein sajae hue

main muntazir hun tera kab se rah-guzar roke

behis paḌā huā huuñ maiñ lamhoñ kī gard meñ

sadiyoñ kī thī jo mujh meñ kasak kaun le gayā

behis paDa hua hun main lamhon ki gard mein

sadiyon ki thi jo mujh mein kasak kaun le gaya

vo ek TūTte taare kī zau thī jis ko maiñ

samajh rahā thā koī āftāb hai mujh meñ

wo ek TuTte tare ki zau thi jis ko main

samajh raha tha koi aaftab hai mujh mein

abhī to sho'la-e-jāñ meñ lapak nahīñ aa.ī

kuchh aur tez havāoñ ko merī jaañ kar de

abhi to sho'la-e-jaan mein lapak nahin aai

kuchh aur tez hawaon ko meri jaan kar de

bas ik chaTān se Takrā ke bah nikalnā hai

phir us ke baa'd ye merī tirī ḳhabar kaisī

bas ek chaTan se Takra ke bah nikalna hai

phir us ke ba'd ye meri teri KHabar kaisi

dekhne vaale kī nazroñ ne diyā mujh ko fareb

us kī āñkhoñ kā sukūñ kar gayā ġharqāb mujhe

dekhne wale ki nazron ne diya mujh ko fareb

us ki aankhon ka sukun kar gaya gharqab mujhe

barahna thā to añdherā bhī laaj rakh na sakā

milā libās to har shaḳhs rah-guzar kā gayā

barahna tha to andhera bhi laj rakh na saka

mila libas to har shaKHs rah-guzar ka gaya

qadam qadam se milā kar vo chal rahe the bahut

chhupe hue the magar dil meñ Dar qayāmat ke

qadam qadam se mila kar wo chal rahe the bahut

chhupe hue the magar dil mein Dar qayamat ke

ahl-e-dānish bhī jise kuchh nahīñ samjhe vo shaḳhs

jab tire shahr meñ pohñchā to tamāsha Thahrā

ahl-e-danish bhi jise kuchh nahin samjhe wo shaKHs

jab tere shahr mein pohncha to tamasha Thahra

mujhe vujūd kā apne huā hai tab ehsās

palaT ke aa.ī chaTānoñ se jab sadā merī

mujhe wujud ka apne hua hai tab ehsas

palaT ke aai chaTanon se jab sada meri

vo apnī aañkh chehra haat paañv

safar meñ zindagī ke kho chukā hai

wo apni aankh chehra hat panw

safar mein zindagi ke kho chuka hai

dafn kar de mujhe chaTānoñ meñ

aur āñkheñ ḳhalāoñ meñ khole

dafn kar de mujhe chaTanon mein

aur aankhen KHalaon mein khole

aañkh chehra haath paañv ḳhuun se lat-pat haiñ sab

lo milo mujh se ki maiñ huuñ ik samar tanhā.ī kā

aankh chehra hath panw KHun se lat-pat hain sab

lo milo mujh se ki main hun ek samar tanhai ka

le ga.e chun chun ke 'ajmal' sāhibān-e-'aql-o-hosh

mere hisse meñ bache haiñ harf-e-laġhzīda tamām

le gae chun chun ke 'ajmal' sahiban-e-'aql-o-hosh

mere hisse mein bache hain harf-e-laghzida tamam

fikr ke chāñd ubharte haiñ mire siine se

maujeñ letā huā mā'nī kā samundar huuñ maiñ

fikr ke chand ubharte hain mere sine se

maujen leta hua ma'ni ka samundar hun main

us kī jumbish-e-mizhgāñ mujh se hī muḳhātib thī

vāris-e-qalam thā maiñ kho gayā savāloñ meñ

us ki jumbish-e-mizhgan mujh se hi muKHatib thi

waris-e-qalam tha main kho gaya sawalon mein

bujhā.e jā rahe the kitne sūraj

samundar bhī 'ajab haijān meñ thā

bujhae ja rahe the kitne suraj

samundar bhi 'ajab haijaan mein tha

raushnī de na sake raat se kuchh le na sake

ye sitāre to faqat shor machāne aa.e

raushni de na sake raat se kuchh le na sake

ye sitare to faqat shor machane aae

tumhārī raah meñ hogā kisī khañDar kā ḳhauf

hamāre sāmne apnī sadā kā Dar hai bahut

tumhaari rah mein hoga kisi khanDar ka KHauf

hamare samne apni sada ka Dar hai bahut

be-shumār sannāTā

kaise boltā thā vo

be-shumar sannaTa

kaise bolta tha wo

koī sadā-e-garm koī harf-e-barq-pā

shāyad subuk-safar vo abhī rah-guzar meñ ho

koi sada-e-garm koi harf-e-barq-pa

shayad subuk-safar wo abhi rah-guzar mein ho

Recitation

Speak Now