نسیم شاہجہانپوری کی شاعری

نسیم شاہجہانپوری کے اشعار

میں نے مانا آپ نے سب کچھ بھلا ڈالا مگر

غیرممکن ہے کبھی میرا خیال آتا نہ ہو

کسی کے عشق میں یہ حال زار رہتا ہے

سکون پا کے بھی دل بے قرار رہتا ہے

سر محشر اگر پرسش ہوئی مجھ سے تو کہہ دوں گا

سراپا جرم ہوں اشک ندامت لے کے آیا ہوں

تنہائی کے لمحات کا احساس ہوا ہے

جب تاروں بھری رات کا احساس ہوا ہے

وہ ظلم بھی اب ظلم کی حد تک نہیں کرتے

آخر انہیں کس بات کا احساس ہوا ہے

کچھ خود بھی ہوں میں عشق میں افسردہ و غمگیں

کچھ تلخئ حالات کا احساس ہوا ہے