ragaḌnā paḌ rahā hai sar har ik voter ke paañv par

isī baa.is to ham ko membarī achchhī nahīñ lagtī

ragaDna paD raha hai sar har ek woter ke panw par

isi bais to hum ko membari achchhi nahin lagti

daulat kī rel-pel hai ab ghar meñ is liye

custam kā ik clerk huuñ teacher nahīñ huuñ maiñ

daulat ki rel-pel hai ab ghar mein is liye

custam ka ek clerk hun teacher nahin hun main

qatar se na laate agar māl-o-daulat

mohalle meñ izzat tumhārī na hotī

qatar se na late agar mal-o-daulat

mohalle mein izzat tumhaari na hoti

na.e yāroñ se bhī is shaḳhs kī sāhib-salāmat hai

hamāre saath bhī yaarī jo pahle thī so ab bhī hai

nae yaron se bhi is shaKHs ki sahib-salamat hai

hamare sath bhi yari jo pahle thi so ab bhi hai