ham ko ḳhushiyāñ bhī udāsī ke lifāfe meñ milīñ

ham sā bad-baḳht zamāne meñ nahīñ hai koī

hum ko KHushiyan bhi udasi ke lifafe mein milin

hum sa bad-baKHt zamane mein nahin hai koi

tumhāre saath ik duniyā khaḌī hai

hamāre saath to ham bhī nahīñ haiñ

tumhaare sath ek duniya khaDi hai

hamare sath to hum bhi nahin hain

hamāre baa'd bhī tum qahqahe lagāte ho

tumhāre baa'd to ham baat bhī nahīñ karte

hamare ba'd bhi tum qahqahe lagate ho

tumhaare ba'd to hum baat bhi nahin karte

maiñ kaaTā jā.ūñgā sab ko 'azīz hote hue

saḌak ke biich meñ aayā huā daraḳht huuñ maiñ

main kaTa jaunga sab ko 'aziz hote hue

saDak ke bich mein aaya hua daraKHt hun main

zeb detā hai use itnā taġhāful mujh se

vo kahīñ aur bhī masrūf-e-vafā hai shāyad

zeb deta hai use itna taghaful mujh se

wo kahin aur bhi masruf-e-wafa hai shayad