rah-e-qarār ajab rāh-e-be-qarārī hai

ruke hue haiñ musāfir safar bhī jaarī hai

rah-e-qarar ajab rah-e-be-qarari hai

ruke hue hain musafir safar bhi jari hai

be-dīn hue īmān diyā ham ishq meñ sab kuchh kho baiThe

aur jin ko samajhte the apnā vo aur kisī ke ho baiThe

be-din hue iman diya hum ishq mein sab kuchh kho baiThe

aur jin ko samajhte the apna wo aur kisi ke ho baiThe

terā honā na maan kar goyā

tujh ko taslīm kar rahā huuñ maiñ

tera hona na man kar goya

tujh ko taslim kar raha hun main

dil kā sukūn rizq ke hañgāme khā ga.e

sukh aadmī kā chand nivāloñ ne Das liyā

dil ka sukun rizq ke hangame kha gae

sukh aadmi ka chand niwalon ne Das liya

shām-e-avadh ne zulf meñ gūñdhe nahīñ haiñ phuul

tere baġhair sub.h-e-banaras udaas hai

sham-e-awadh ne zulf mein gundhe nahin hain phul

tere baghair subh-e-banaras udas hai

safar kā ruḳh badal kar dekhtā huuñ

kuchh apnī samt chal kar dekhtā huuñ

safar ka ruKH badal kar dekhta hun

kuchh apni samt chal kar dekhta hun

duniyā tere naam se mujh ko pahchāne

ishq meñ aisā rusvā kar de yā-allāh

duniya tere nam se mujh ko pahchane

ishq mein aisa ruswa kar de ya-allah

lamha lamha bikhar rahā huuñ maiñ

apnī takmīl kar rahā huuñ maiñ

lamha lamha bikhar raha hun main

apni takmil kar raha hun main

navāzā hai mujhe patthar se jis ne

use maiñ phuul de kar dekhtā huuñ

nawaza hai mujhe patthar se jis ne

use main phul de kar dekhta hun

na aa.e mere hoñToñ tak jo paimāna nahīñ aatā

mirī ḳhuddāriyoñ ko haath phailānā nahīñ aatā

na aae mere honTon tak jo paimana nahin aata

meri KHuddariyon ko hath phailana nahin aata

maiñ kaise tai karūñ be-samt rāstoñ kā safar

kahāñ hai shahr-e-tamannā koī patā to de

main kaise tai karun be-samt raston ka safar

kahan hai shahr-e-tamanna koi pata to de

dekh liyā kyā jaane shaam kī suunī āñkhoñ meñ

jhiil meñ sūraj apnī saarī laalī Daal gayā

dekh liya kya jaane sham ki suni aankhon mein

jhil mein suraj apni sari lali Dal gaya

jo chhū luuñ āsmāñ paañv kī dhartī khīñch letā hai

vo mujh ko kyuuñ mire qad se baḌā hone nahīñ detā

jo chhu lun aasman panw ki dharti khinch leta hai

wo mujh ko kyun mere qad se baDa hone nahin deta

zarā dekheñ to duniyā kaise kaise rañg bhartī hai

chalo ham apne afsāne kā ġham unvān rakhte haiñ

zara dekhen to duniya kaise kaise rang bharti hai

chalo hum apne afsane ka gham unwan rakhte hain

nāmūs-e-zindagī ġham-e-insāñ meñ Dhaal kar

suutī hai raat jaam se sūraj nikāl kar

namus-e-zindagi gham-e-insan mein Dhaal kar

suti hai raat jam se suraj nikal kar