رضی اختر شوق کی شاعری

رضی اختر شوق کے اشعار

مجھ کو پانا ہے تو پھر مجھ میں اتر کر دیکھو

یوں کنارے سے سمندر نہیں دیکھا جاتا

آپ ہی آپ دیے بجھتے چلے جاتے ہیں

اور آسیب دکھائی بھی نہیں دیتا ہے

دو بادل آپس میں ملے تھے پھر ایسی برسات ہوئی

جسم نے جسم سے سرگوشی کی روح کی روح سے بات ہوئی

ہم روح سفر ہیں ہمیں ناموں سے نہ پہچان

کل اور کسی نام سے آ جائیں گے ہم لوگ

ہم اتنے پریشاں تھے کہ حال دل سوزاں

ان کو بھی سنایا کہ جو غم خوار نہیں تھے

اب کیسے چراغ کیا چراغاں

جب سارا وجود جل رہا ہے