maiñ bhī apnī zaat meñ ābād huuñ

mere andar bhī qabīle haiñ bahut

main bhi apni zat mein aabaad hun

mere andar bhi qabile hain bahut

chāñd mashriq se nikaltā nahīñ dekhā maiñ ne

tujh ko dekhā hai to tujh sā nahīñ dekhā maiñ ne

chand mashriq se nikalta nahin dekha main ne

tujh ko dekha hai to tujh sa nahin dekha main ne

ye vāqi.a mirī āñkhoñ ke sāmne kā hai

sharāb naach rahī thī gilās baiThe rahe

ye waqia meri aankhon ke samne ka hai

sharab nach rahi thi gilas baiThe rahe

tum apne dariyā kā ronā rone aa jaate ho

ham to apne saat samundar pīchhe chhoḌ aa.e haiñ

tum apne dariya ka rona rone aa jate ho

hum to apne sat samundar pichhe chhoD aae hain

tum se milne kā bahāna tak nahīñ

aur bichhaḌ jaane ke hiile haiñ bahut

tum se milne ka bahana tak nahin

aur bichhaD jaane ke hile hain bahut

chehra chehra ġham hai apne manzar meñ

aur āñkhoñ ke pīchhe ek numā.ish hai

chehra chehra gham hai apne manzar mein

aur aankhon ke pichhe ek numaish hai

talab ke rāste par aa gayā huuñ

batāo ab mujhe jaanā kahāñ hai

talab ke raste par aa gaya hun

batao ab mujhe jaana kahan hai

apnī āvāz sunā.ī nahīñ detī mujh ko

ek sannāTā ki galiyoñ meñ bahut boltā hai

apni aawaz sunai nahin deti mujh ko

ek sannaTa ki galiyon mein bahut bolta hai

usī ke lutf se bastī nihāl hai saarī

tamām peḌ lagā.e hue usī ke haiñ

usi ke lutf se basti nihaal hai sari

tamam peD lagae hue usi ke hain